უილიამ ბერნსი - უკრაინასთან ომში რუსეთი რეალური მოლაპარაკებისთვის განწყობილი არ არის

ამერიკის ცენტრალური სადაზვერვო სამმართველოს უფროსი უილიამ ბერნსი მიიჩნევს, რომ უკრაინასთან ომის მომენტში, რუსეთი რეალური მოლაპარაკებისთვის განწყობილი არ არის.

ამის შესახებ მან გამოცემა PBS-თან ინტერვიუში ისაუბრა.

„კონფლიქტების უმეტესობა მოლაპარაკებებით სრულდება, მაგრამ ამას რუსების მხრიდან სერიოზულობა სჭირდება, რასაც, ჩემი აზრით, ამ შემთხვევაში ვერ ვხედავთ. ყოველ შემთხვევაში, ჩვენ არ გვჯერა, რომ რუსები ამჟამად სერიოზულად არიან განწყობილნი რეალურ მოლაპარაკებებზე", - აცხადებს ბერნსი.

ამავდროულად, დაზვერვის ხელმძღვანელის აზრით, მცდარია რუსეთის პრეზიდენტის ვლადიმერ პუტინის რწმენა, რომ ის ომის გაგრძელებას კიდევ დიდხანს შეძლებს და ხელს არაფერი შეუშლის.

„ვფიქრობ, ის ცდება ამ ფსონის დადებაში ისევე, როგორც ცდებოდა, ღრმად ცდებოდა ფსონის დადებაში 24 თებერვალს, როდესაც მან ეს ომი დაიწყო“, - აღნიშნა ბერნსმა.

მისივე თქმით, რუსი სამხედროები ახლა „ძლიერ არიან ნაცემი“, უკრაინელი სამხედროები კი, მოტივირებულები არიან, განაგრძონ ზეწოლა და განავითარონ წარმატებები ბრძოლის ველზე.

ამასთან, მან ხაზი გაუსვა, რომ უკრაინელებსაც სჭირდებათ დრო ხელახალი აღჭურვისა და მომარაგებისთვის.

ბერნსმა ასევე აღნიშნა, რომ მისი უწყება დღემდე ვერ ხედავს ნათელ მტკიცებულებებს რუსული გეგმების შესახებ ტაქტიკური ბირთვული იარაღის გამოყენების შესახებ.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს