გერმანიაში თხევადი გაზის პირველი ტერმინალი გაიხსნა
გერმანიაში თხევადი გაზის პირველი ტერმინალი გაიხსნა. ინფორმაციას ამის შესახებ გერმანული გამოცემა Die Zeit ავრცელებს.
გამოცემის თანახმად, გერმანიის ქალაქ ვილჰელმსჰაფენში თხევადი გაზის იმპორტისთვის განკუთვნილი პირველი ტერმინალი გაიხსნა.
გახსნის ცერემონიას კანცლერი ოლაფ შოლცი, ეკონომიკის მინისტრი რობერტ ჰაბეკი, ფინანსთა მინისტრი კრისტიან ლინდნერი და ქვემო საქსონიის მინისტრ-პრეზიდენტი სტეფან ვაილი ესწრებოდნენ. როგორც შოლცმა აღნიშნა, ტერმინალის მეშვეობით გერმანიის ენერგომომარაგება “რუსეთის მილსადენებისგან დამოუკიდებელი გახდება”.
არსებული ინფორმაციით, ტერმინალს ყოველწლიურად გერმანიაში მოხმარებადი გაზის 6%-ის მიწოდება შეუძლია.
ცნობისთვის, მთლიანობაში გერმანია რუსული გაზის ჩასანაცვლებლად თხევადი გაზის ოთხი მცურავი ტერმინალის გახსნას გეგმავს. მეორე ტერმინალის გახსნა 2023 წლის დასაწყისშია დაგეგმილი.
