საქართველოს პრემიერ-მინისტრმა ებრაულ თემს ხანუქა მიულოცა

დიდი პატივია ჩემთვის, ჩემო ძვირფასო დებო და ძმებო, თქვენთან ერთად აღვნიშნოთ დღევანდელი დღე. პრემიერ-მინისტრის რანგში დღეს მეხუთედ ვზეიმობ ამ დღესასწაულს. მინდა კიდევ ერთხელ აღვნიშნო იმ უნიკალური ურთიერთობის შესახებ, ჩვენს ხალხებს შორის რომ ჩამოყალიბდა და საუკუნეების განმავლობაშია გამოცდილი და რომლის მსგავსს მსოფლიო ისტორია ბევრს არ იცნობს , - ასე მიესალმა საქართველოს პრემიერ-მინისტრი, ირაკლი ღარიბაშვილი დღეს, ხანუქას დღესასწაულის აღსანიშნავად თბილისის მთავარ სინაგოგაში შეკრებილ ქართველ ებრაელებსა და მოწვეულ სტუმრებს და სიმბოლურად, ხანუქას პირველი სანთელი აანთო.

რელიგიის საკითხთა სახელმწიფო სააგენტოს ცნობით, დღესასწაულზე შეკრებილთ ხანუქა მიულოცეს თბილისის დიდი სინაგოგის გამგეობის თავმჯდომარემ, მერაბ ჩანჩალაშვილმა, რომელმაც მაღალი შეფასება მისცა საქართველოს სახელმწიფოს რელიგიურ პოლიტიკას და კერძოდ, რელიგიის საკითხთა სახელმწიფო სააგენტოს საქმიანობას.

მოწვეულ სტუმრებს ხანუქა მიულოცეს ისრაელის საგანგებო და სრულუფლებიანმა ელჩმა საქართველოში, ჰადას მეიცადიმ, ისრაელის ქნესეთის წევრმა, ქნესეთში საქართველოსთან მეგობრობის ჯგუფის ხელმძღვანელმა, დავიდ ბიტანიმ, საქართველოს ებრაელთა მთავარმა რაბინმა, იაკობ გაგულაშვილმა და დიდი სინაგოგის რაბინმა, რახამინ მურდუხაშვილმა.

ამასთან, ინფორმაციაში ნათქვამია, რომ თბილისის დიდ სინაგოგაში ხანუქას აღსანიშნავ ღონისძიებას შერიგებისა და სამოქალაქო თანასწორობის საკითხებში სახელმწიფო მინისტრი, თეა ახვლედიანი, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე ისრაელის ყოფილი ელჩი, შაფთაი ცური, ისრაელის ქნესეთის წევრები და სხვა მოწვეული სტუმრები დაესწრნენ.

ხანუქა უმნიშვნელოვანესი დღესასწაულია იუდეველეთათვის, რომელსაც ისრაელსა თუ მსოფლიოს სხვადასხვა ქვეყნებში მცხოვრებ ებრაელებთან ერთად, ქართველი ებრაელებიც განსაკუთრებულად ზეიმობენ. იგი განახლებისა და კურთხევის, სინათლის სიბნელეზე გამარჯვების დღეა.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე