ბათუმში ხანძარია. არსებული ინფორმაციით, აღმაშენებლისა და კობალაძის ქუჩების კვეთაზე, ცეცხლი გაჩნდა რესტორან "ვოქსში", რომელიც მრავალსართულიანი კორპუსის ბოლო სართულზე მდებარეობს.
სოციალურ ქსელში გავრცელებულ კადრებში ჩანს, რომ ცეცხლი შენობის ბოლო სართულს თითქმის მთლიანად უკიდია.
კორპუსის მცხოვრებლები, სადაც რესტორანია განთავსებული, შენობას ტოვებენ.
ადგილზე შესაბამისი სამსახურების წარმომადგენლები არიან მობილიზებული.
ამ დროისთვის, დაშავებულების შესახებ ინფორმაცია არ ვრცელდება.