ჩრდილოეთ ერაყში აფეთქების შედეგად სულ მცირე ცხრა პოლიციელი დაიღუპა, - ინფორმაციას BBC-ი ავრცელებს.
გამოცემის ცნობით, თავდასხმა ნავთობით მდიდარ ქალაქ კირკუკთან, დედაქალაქ ბაღდადიდან დაახლოებით 290 კილომეტრში, მოხდა.
მომხდარზე პასუხისმგებლობა დაჯგუფება ე.წ. „ისლამურმა სახელმწიფომ“ აიღო.
თავდასხმა ბომბის აფეთქებით დაიწყო, რომლის სამიზნე პოლიციელების სატვირთო ავტომობილი იყო. აფეთქებას მოჰყვა პირდაპირი თავდასხმა იარაღით.
ოფიციალური პირების ინფორმაციით, ერთი თავდამსხმელი ლიკვიდირებულია და მიმდინარეობს დანარჩენების ძებნა.