GITA-სთან პარტნიორობით, პარლამენტში, დიასპორისა და კავკასიის საკითხთა კომიტეტის მხარდაჭერით, „ტექსტარსის სტარტაპ დღეების“ დასკვნითი ღონისძიება გაიმართა.

ამის შესახებ ინფორმაციას საქართველოს ინოვაციებისა და ტექნოლოგიების სააგენტო (GITA) ავრცელებს.

მათივე ცნობით, ღონისძიება ორი ნაწილისგან შედგებოდა. პირველ ნაწილში წარდგენილი იყო USAID-ის სოფლის მეურნეობის პროგრამისა და Startup Georgia - ს ერთობლივი აქსელერაციის პროგრამის ფარგლებში გადამზადებული სტარტაპები და პროექტები, ხოლო მეორე ნაწილში - ტექსტარსის მსოფლიოში ყველაზე დიდი აქსელერაციის პროგრამის Startup Weekend - ის ფარგლებში 54 საათის განმავლობაში შექმნილი სტარტაპ იდეები.

ღონისძიების პირველი ნაწილის გამარჯვებული გახდა ორი გუნდი: DG Systems და Grassy, ხოლო მეორე ნაწილის - გუნდი L1st.

ღონისძიების მონაწილე ყველა გუნდს, პარლამენტის სახელით, სამახსოვრო საჩუქრები გადაეცა.