თიბისი კაპიტალის ყოველკვირეული განახლება მთავარი ეკონომისტისგან - ტურიზმი და გზავნილები ისევ ძლიერია, საქონლით ვაჭრობა კი უფრო ნორმალიზდება

„თიბისი კაპიტალმა“ მთავარი ეკონომისტისგან ყოველკვირეული განახლება გამოაქვეყნა.

როგორც ინფორმაციაშია აღნიშნული, ტურიზმი და გზავნილები ისევ ძლიერია, საქონლით ვაჭრობა კი უფრო ნორმალიზდება.

„ნოემბერში ტურიზმისა და გზავნილების კვლავ ძლიერი დინამიკა დაფიქსირდა. კერძოდ, ტურისტული შემოსავლები, მიგრაციის ეფექტის ჩათლით, 2019 წლის იმავე თვის 151%-ს გაუტოლდა მაშინ, როდესაც წინა თვეში ანალოგიური მაჩვენებელი 126%-ს შეადგენდა. გზავნილების მხრივ, აღსანიშნავია, რომ შემოდინებები რუსეთის კონტრიბუციის შესაბამისი შესწორების შემდეგაც ძალიან მაღალი იყო. ექსპორტისა და იმპორტის მხრივ, წინა თვესთან შედარებით, საგარეო ვაჭრობამ იმატა, თუმცა საერთო ტენდენციას უფრო ზომიერი შეიძლება ეწოდოს, რაც ძირითადად, საერთაშორისო სასაქონლო ფასების ნორმალიზების შედეგია.

ექსპორტის, იმპორტის, ტურისტული შემოდინებებისა და გზავნილების ბალანსი ნოემბერში გაუარესდა, თუმცა უფრო სეზონური ფაქტორების გამორიცხვის გარეშე. თავისთავად, „თიბისი კაპიტალის“ მოლოდინების შესაბამისად, ამას ლარზე უარყოფითად არ უმოქმედია. ასევე, ეროვნული ბანკის საერთაშორისო რეზერვების ზრდაც, აშშ დოლარის შესყიდვის მიმართულებით, საკმაოდ მასშტაბური ინტერვენციების ფონზე, სიახლეს არ წარმოადგენს.

ისევე, როგორც მე-3 კვარტალში დაფიქსირებული საშუალო ხელფასის 16.5%-იანი მატება, რაც „თიბისი კაპიტალის“ აზრით, მომავალ წელს, ეკონომიკის ზრდისა და ინფლაციის დანორმალიზებასთან ერთად, უფრო ზომიერი ნიშნულით განისაზღვრება. შესაბამისად, „თიბისი კაპიტალის“ პროგნოზი მონეტარული პოლიტიკის განაკვეთის მარტში პირველ შემცირებასთან და მანამდე უცვლელად დატოვებასთან დაკავშირებით დღესაც უცვლელია,“ - აღნიშნულია ინფორმაციაში.

გაეცანით პუბლიკაციას ბმულზე.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში