ხათუნა სამნიძე - სახალხო დამცველის არჩევის საკითხზე შეთანხმების შესაძლებლობა არსებობს - „ქართული ოცნებისგან“ უფრო მკაფიო პოზიციას ველოდებით
„რესპუბლიკური პარტიის" თავმჯდომარის, ხათუნა სამნიძის განცხადებით, სახალხო დამცველის არჩევის საკითხთან დაკავშირებით მოლაპარაკებებისა და შეთანხმების შესაძლებლობა არსებობს.
როგორც მან ჟურნალისტებს განუცხადა, ოპოზიციას უკვე აქვს საკუთარი პოზიცია დაფიქსირებული.
„რაც შეხება სახალხო დამცველს, არის მოლაპარაკებებისა და შეთანხმების შესაძლებლობა, რადგან კანდიდატების სიმრავლე გვაქვს. ოპოზიციას უკვე აქვს საკუთარი პოზიცია დაფიქსირებული. ჩვენ ველოდებით „ქართული ოცნებისგან“ უფრო მკაფიო პოზიციას, რადგან ბოლო შეხვედრაზე ეს მკაფიო პოზიცია დაფიქსირებული არ იყო. დაგეგმილია დღეს შეხვედრა და იმედი მაქვს, რომ მეტი დრო გვექნება მოლაპარაკებებისთვის“, - განაცხადა სამნიძემ.
