პარლამენტის ვიცე-სპიკერის ლევან იოსელიანის განცხადებით, საქართველოს მესამე პრეზიდენტმა, მიხეილ სააკაშვილმა საკუთარ მომხრეებს შიმშილობა უნდა გადააფიქრებინოს და მისი შეწყვეტისკენ მოუწოდოს.

ლევან იოსელიანის აზრით, არანაირი პოლიტიკური მიზანი არ ღირს იმად, რომ ადამიანებმა საკუთარი ჯანმრთელობა დაიზიანონ და საფრთხე შეუქმნან.

„ზოგადად, ძალიან უარყოფითი დამოკიდებულება მაქვს შიმშილობის, როგორც პროტესტის ფორმის მიმართ. ამ შემთხვევაში, ვისურვებდი, რომ მათმა ლიდერმა, მიხეილ სააკაშვილმა მოუწოდოს, მათ, რომ შიმშილობა შეწყვიტონ. ის თუ ამას გააკეთებს, ვფიქრობ, ეს ადამიანები შიმშილობას შეწყვეტენ. ეს არის ერთადერთი სწორი გამოსავალი. არანაირი პოლიტიკური მიზანი არ ღირს იმად, რომ ადამიანებმა საკუთარი ჯანმრთელობა დაიზიანონ და საფრთხე შეუქმნან. ჩემი აზრით, ასეთი პოლიტიკური მიზანი არ არსებობს. ამიტომ, მიხეილ სააკაშვილზეც არის პასუხისმგებლობა, რომ საკუთარ მომხრეებს ეს გადაწყვეტილება გადააფიქრებინოს“, - განაცხადა იოსელიანმა.