იურიდიული დახმარების სამსახურის სასწავლო ცენტრის ორგანიზებით, თბილისის 32-ე და 139-ე სკოლის მოსწავლეები საქართველოს უზენაეს სასამართლოს ესტუმრნენ.

ინფორმაციას იურიდიული დახმარების სამსახური ავრცელებს.

მათივე ცნობით, ბავშვებმა სასამართლოს ისტორიული შენობა დაათვალიერეს. შემდგომ კი იურიდიული დახმარების სამსახურის ადვოკატების მიერ ჩატარებულ იმიტირებულ სასამართლო პროცესს დაესწრნენ, რომელზეც სისხლის სამართლის საქმე განიხილებოდა, ხოლო მოსწავლეები ნაფიც მსაჯულთა როლს ასრულებდნენ.

ბავშვებმა ყველა მხარის მიერ წარმოდგენილი პოზიციები ინტერესით განიხილეს და შესაბამისი ვერდიქტიც გამოიტანეს.

აღსანიშნავია, რომ ღონისძიება იურიდიული დახმარების სამსახურის პროექტის „ვაციოთ კანონი ყველასთვის ხელმისაწვდომი" ფარგლებში ჩატარდა.