გიგა ბოკერია - ჰააგის სასამართლოს გადაწყვეტილება არის ძალიან მნიშვნელოვანი ამბავი საქართველოსთვის - როცა გვეყოლება ხელისუფლება, რომელიც ეროვნულ ინტერესებს დაიცავს, მაშინ გამოვიყენებთ მტრის წინააღმდეგ

ჰააგის სასამართლოს გადაწყვეტილება არის ძალიან მნიშვნელოვანი ამბავი საქართველოსთვის - როცა გვეყოლება ხელისუფლება, რომელიც ეროვნულ ინტერესებს დაიცავს, მაშინ ამას გამოვიყენებთ ქვეყნის ინტერებისთვის, ჩვენი მტრის წინააღმდეგ , - ამის შესახებ „ევროპული საქართველოს“ თავმჯდომარე, გიგა ბოკერიამ განაცხადა, რითაც გამოეხმაურა სისხლის სამართლის საერთაშორისო სასამართლოს მიერ 2008 წლის ომის საქმეზე გამოძიების ეტაპის დასრულებას.

მისი თქმით, დღევანდელი ხელისუფლების წარმომადგენლები წლებია აღნიშნულ საკითხზე „პუტინისტურ პროპაგანდას“ აწარმოებენ.

„დღეს ეს უტიფრები, ვინც პუტინისტურ პროპაგანდას აწარმოებდა და წლებია აწარმოებს უტიფრად საქართველოს დანაშაულზე, პუტინისტური პროპაგანდის მსგავსად, აქეთ ატრიალებენ ამ ამბავს, სხვისკენ იშვერენ ხელს. იმის მაგივრად, რომ ლაპარაკობდნენ, თუ როგორ გამოიყენებდნენ ამას საქართველოს ინტერესებისთვის.

ასევე, ცხინვალის რეგიონში რუსეთისა და მისი მარიონეტების მხრიდან ჩადენილ ბოროტმოქმედებასთან ერთად ძალიან მნიშვნელოვანია, რომ 90-იან წლებში აფხაზეთის ომის დროს ქართველთა გენოციდის შესახებ კამპანია გახდეს ჩვენი მომავალი პატრიოტული მთავრობის პრიორიტეტი. ეს არის როგორც მორალურად, ასევე გეოპოლიტიკურად მნიშვნელოვანი. ეს არის ის კამპანია, რომელსაც „ევროპული საქართველო“ თავის პარტნიორებთან ერთად ატარებს “, - განაცხადა გიგა ბოკერიამ.

ცნობისთვის, სისხლის სამართლის საერთაშორისო სასამართლოს პროკურორის, კარიმ ხანის განცხადებით, აგვისტოს ომის საქმეზე გამოძიების ეტაპი დაასრულა, თუმცა კვლავ მიმდინარეობს სამუშაოები ეჭვმიტანილი პირების: მიხაილ მინძაევის, გამლეტ გუჩმაზოვისა და დავიდ სანაკოევის სასამართლოში წარსადგენად.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024