ალექსანდრე ლუკაშენკო - ბელარუსსა და რუსეთს შორის ურთიერთობების გაძლიერება ბუნებრივი პასუხია - რთული დრო მოითხოვს ვაჩვენოთ პოლიტიკური ნება და ერთგულება

ბელარუსსა და რუსეთს შორის ურთიერთობების გაძლიერება ბუნებრივი პასუხია მსოფლიოში ცვალებად ვითარებაზე , - ამის შესახებ ბელარუსის პრეზიდენტმა, ალექსანდრე ლუკაშენკომ მინსკში, რუსეთის პრეზიდენტთან, ვლადიმერ პუტინთან შეხვედრისას განაცხადა.

ამასთან, ლუკაშენკომ აღნიშნა, რომ რთული დრო პოლიტიკურ ნებასა და ერთგულებას მოითხოვს ბელარუსისა და რუსეთის ურთიერთობების წინსვლაში შედეგების მისაღწევად.

„რთული დრო მოითხოვს ჩვენ ვაჩვენოთ პოლიტიკური ნება და ერთგულება ორმხრივი დღის წესრიგის ყველა საკითხში შედეგების მისაღწევად... არავითარ შემთხვევაში არ უნდა გავიმეოროთ შეცდომები, რომლებიც საბჭოთა კავშირის დაშლის შემდეგ მოხდა“, - აღნიშნა ლუკაშენკომ.

ბელარუსის ლიდერის თქმით, ბელარუსი და რუსი სპეციალისტები ბევრს მუშაობდნენ რუსეთ-ბელარუსის საკავშირო სახელმწიფოს პროგრამებზე, რომლებიც მან და ვლადიმერ პუტინმა დაამტკიცეს.

„დარწმუნებული ვარ, რომ დღევანდელი გადაწყვეტილებები არც ბელარუსებს და არც რუსებს არ გაუცრუებს იმედს და გააუმჯობესებს მათ კეთილდღეობასა და ხვალინდელი დღისადმი რწმენას“, - დასძინა ლუკაშენკომ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი