მამუკა მდინარაძე - გვრჩება იმედი, რომ სახალხო დამცველის არჩევის საკითხზე ოპოზიციაში კიდევ ერთხელ გადააფასონ მოვლენები, იქნებ შეცვლილი პოზიციით დაბრუნდნენ, თუ ეს არ მოხდება, ჩავარდნის საფრთხე არსებობს

ჩვენი მხრიდან იყო კომპრომისი, რომ 5 კანდიდატიდან ამოერჩიათ ერთი, რომელიც მათ სურდათ - მათი კატეგორიული პოზიციაა, რომ მათ მიერ წარმოდგენილი ორი კანდიდატის გარდა, სხვა კანდიდატს მხარს არ დაუჭერენ , - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ საპარლამენტო უმრავლესობასა და ოპოზიციას შორის სახალხო დამცველის კანდიდატებთან დაკავშირებით გამართული კონსულტაციის შემდეგ ჟურნალისტებს განუცხადა.

მდინარაძე იმედოვნებს, რომ ოპოზიცია მოვლენებს გადააფასებს და პოზიციას შეიცვლის.

„ჩვენთვის ერთ-ერთი მთავარი არგუმენტი, პოლიტიკური მიუკერძოებლობაა. მათ მიერ წარმოდგენილი კანდიდატებიდან, ამის შესაძლებლობის დაშვება გამორიცხულია. არსებობს უხერხული მომენტები კოლეგის, იაგო ხვიჩიას მიმართაც, თუმცა ალბათ ძნელი წარმოსადგენია, რომ პოლიტიკური პარტიის ლიდერი არჩევის შემთხვევაში პოლიტიკურ მიუკერძოებლობას მოახერხებს. აქედან გამომდინარე 8 კანდიდატიდან დარჩა 5 კანდიდატი, სადაც გვაქვს პოლიტიკური მიუკერძოებლობის მეტ-ნაკლები გარანტია. შევთავაზეთ, რომ 5-დან ერთ-ერთი ამოერჩიათ, თუმცა ამაზე ჩვენ დადებითი შედეგი ვერ მივიღეთ. გვრჩება იმედი, რომ კიდევ ერთხელ გადააფასონ მოვლენები, წინ დააყენონ ევრორეკომენდაციების შესრულების სახელმწიფო ინტერესი და იქნებ, შეცვლილი პოზიციით დაბრუნდნენ. თუ ეს არ მოხდება, ჩავარდნის საფრთხე არსებობს“,- განაცხადა მამუკა მდინარაძემ.

მდინარაძე განმარტავს, რატომ არაა საპარლამენტო უმრავლესობისთვის ოპოზიციის მიერ შეთავაზებული გიორგი ბურჯანაძისა და ანა აბაშიძის კანდიდატურები მისაღები. მისი თქმით, შეუძლებელია იმაში დარწმუნება, რომ ეს ორი კანდიდატი პოლიტიკურად მიუკერძოებელი იქნება.

„შეხვედრაზეც ძირითადი არგუმენტი იყო ის, რომ პოლიტიკური მიუკერძოებლობა არის ის უპირატესი სახელმწიფოებრივი ინტერესი, რაც შეუძლებელია სამომავლო პერსპექტივაში დავინახოთ მათ მიერ წარმოდგენილ კანდიდატებში. იქიდან გამომდინარე, რა განცხადებებს აკეთებდნენ წარსულში, რა დამოკიდებულებებს ავლენდნენ გასაუბრების დროსაც კი, შეუძლებელია დარწმუნდე, რომ ისინი პოლიტიკურად მიუკერძოებლები იქნებიან“,- განაცხადა მამუკა მდინარაძემ.

კითხვაზე, არის თუ არა რესურსი, რომ კონსენსუსის ვერ მიღწევის შემთხვევაში რომელიმე კანდიდატის ასარჩევად ხმების საკმარისი რაოდენობა მოგროვდეს, მდინარაძე ამბობს, რომ ამის რესურსი არსებობს.

„არის რესურსი, რომ მათი მხრიდან თავისუფალი კენჭისყრის რეჟიმში რომელიმე მათგანი იყოს მხარდაჭერილი, თუმცა ალტერნატივა, გადაწყვეტილების, რომელიც შეიძლებოდა კონსენსუსური სახით მიგვეღო, პრაქტიკულად დღეს გამორიცხული იქნა. ვხედავ რესურსს, რომ შესაძლოა დაგვიბრუნდნენ და რომელიმე მათგანზე მხარდაჭერის თანხმობა დააფიქსირონ“, - განაცხადა მამუკა მდინარაძემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი