ლევან იოსელიანი - სახალხო დამცველთან დაკავშირებით კენჭისყრის მომენტში რა გადაწყვეტილება იქნება მიღებული, დაზღვეული არავინაა - შეიძლება ვიღაცის სასარგებლოდ 90 ხმა აღმოჩნდეს

დღევანდელი შეხვედრიდან გამომდინარე, ვერ დავინახე პერსპექტივა, რომ ახალი სახალხო დამცველის არჩევასთან დაკავშირებით საქმე შეთანხმებისკენ წავიდა, თუმცა კენჭისყრის მომენტში რა გადაწყვეტილება იქნება მიღებული, დაზღვეული არავინაა - შეიძლება ვიღაცის სასარგებლოდ 90 ხმა აღმოჩნდეს! - ეს განცხადება ომბუდსმენის არჩევის საკითხზე გამართული კონსულტაციების დასრულების შემდეგ პარლამენტის ოპოზიციონერმა ვიცე-სპიკერმა ლევან იოსელიანმა გააკეთა.

კითხვაზე, რამდენად მოსალოდნელია, “მოქალაქეებმა“ ხმა იმ ხუთ კანდიდატს შორის რომელიმეს მისცეს, ვის არჩევასაც ოპოზიციას “ქართული ოცნება“ სთავაზობს და შედეგად, “ქართულმა ოცნებამ“ ომბუდსმენის პოსტზე სასურველი კანდიდატის გაყვანა შეძლოს, იოსელიანმა ხაზგასმით განაცხადა, რომ მისი მეშვეობით “ქართული ოცნება“ კანდიდატებს ვერ გაიყვანს, ხოლო ვის - დაუჭერს და ვის არა მხარს, ამას კენჭისყრის დღეს ვნახავთ.

იოსელიანმა აღნიშნა ისიც, რომ კენჭისყრა ღიაა და ყველას ეცოდინება, ვინ ვის მისცა ხმა და რატომ.

“სამწუხაროდ, კონსულტაციამ შედეგი ვერ გამოიღო. მხარეები კონკრეტულ კანდიდატზე ვერ შეთანხმდნენ. როდესაც მესამე პირში ვამბობ, რომ ვერ შეთანხმდნენ, ეს იმიტომ, რომ მქონდა მოლოდინი, რომ “ქართული ოცნება“, “ნაციონალური მოძრაობა“ და ის პარტიები, ვისაც სამი კანდიდატი ჰყავდა დასახელებული, შეთანხმდებოდნენ. ჩვენი პოზიციაა ხელი შევუწყოთ იმას, რომ მხარეებმა პოზიციები დააახლოონ. ჩვენ ჩვენი ფავორიტი, გამოკვეთილი კანდიდატი არა გვყავს, თუმცა რა თქმა უნდა, კენჭისყრის დროს გადაწყვეტილებას კონკრეტული კანდიდატების სასარგებლოდ მივიღებთ. ამაზე წინასწარ ვერ ვიტყვი, თუმცა სამწუხაროა, რომ ამ ეტაპზე მოლაპარაკება ჩიხში შევიდა.

ჩემი მხარდაჭერა ექნება კონკრეტულ კანდიდატს ან კანდიდატებს“, - განაცხადა ლევან იოსელიანმა კონსულტაციების დასრულების შემდეგ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი