„საქართველოს ბანკის“ მხარდაჭერით ახალი არტ გალერეა „ნობლესი“ გაიხსნა

„საქართველოს ბანკი“ ხელოვნებისა და კულტურული ღონისძიებების მხარდაჭერას აქტიურ რეჟიმში აგრძელებს. ამ მიზნით, ბანკთან პარტნიორობით, თბილისში არტ გალერეა „ნობლესი“, რუსუდან ფეტვიაშვილის პერსონალური გამოფენით გაიხსნა.

„საქართველოს ბანკის“ მიერ გავრცელებული ინფორმაციით, გალერეის გახსნის ფარგლებში, „ნობლესმა“ რუსუდან ფეტვიაშვილის პრემიუმ ხარისხის სამენოვანი (ქართულ-ინგლისური, ქართულ-ფრანგული) კატალოგი გამოსცა.

„გალერეა „ნობლესი“ რუსუდან ფეტვიაშვილის გამოფენით გაიხსნა, რომელიც 25 დეკემბრამდე გაგრძელდება. შემდეგ სხვა ქართველი და უცხოელი თანამედროვე არტისტების ნამუშევრები გამოიფინება. გალერეის ერთ-ერთი მთავარი მიზანია ქართული კულტურის პოპულარიზაცია, როგორც საქართველოში, ასევე მის საზღვრებს გარეთ. საფრანგეთის რესპუბლიკასთან უკვე არაერთი პროექტი გვაქვს დაგეგმილი და სწორედ ამიტომ ჩვენ გალერეა საქართველოში საფრანგეთის სავაჭრო და ინდუსტრიული პალატის წევრი გახდა. სამომავლოდ ვაპირებთ, როგორც ფრანგი მხატვრების საქართველოში მოწვევას, ასევე, ქართველი არტისტების საფრანგეთში წაყვანას, რაც ჩვენს პარტნიორულ ურთიერთობებს კიდევ უფრო გააღრმავებს. ვფიქრობთ, ამით ჩვენი გალერეა საფრანგეთსა და საქართველოს შორის კულტურული დიპლომატიის განვითარებაში თავის მოკრძალებულ წვლილს შეიტანს“, - განაცხადა არტ გალერეა „ნობლესის“ დამფუძნებელმა და დირექტორმა, ნინო ლაბაძემ.

როგორც „საქართველოს ბანკში“ აცხადებენ, ბანკი მსგავსი პროექტების განხორციელებაში ხელოვნების და კულტურის სფეროს მხარდაჭერას მუდმივად ცდილობს.

„ჩვენ მოხარული ვართ, რომ ქალაქს კიდევ ერთი არტ გალერეა შეემატა, რომელიც რუსუდან ფეტვიაშვილის ნამუშევრებით გაიხსნა. აღნიშნული გამოფენის სახელწოდებაა „ორ სამყაროს შორის“ და მის ფარგლებში ასევე წარმოდგენილია დიმა ფეტვიაშვილის ხის ნამუშევრები, რომელიც რუსუდან ფეტვიაშვილთან კოლაბორაციის შედეგად შეიქმნა. გალერეა სამომავლოდაც ახალი არტისტების აღმოჩენას გვპირდება. კულტურის მოყვარულებს, „ნობლესი“ მისცემს შესაძლებლობას, ქართველი და უცხოელი არტისტების საინტერესო ნამუშევრები იხილონ.

გალერეა „ნობლესი“ ახალი ტიპის არტისტული ინსტიტუციაა, რომელიც ორიენტირებულია თანამედროვე ქართული ვიზუალური ხელოვნების ორიგინალურ რეპრეზენტაციაზე. „ნობლესი“ ორიენტირებულია წარმოაჩინოს, არა მხოლოდ მიმდინარე მხატვრული პროცესები, არამედ ძველი თაობის მხატვართა შემოქმედება და მიზნად ისახავს მათ ახალ ისტორიულ კონტექსტში წარდგენას.

გალერეა არ იქნება მხოლოდ გამოფენა-გაყიდვების ორგანიზებით დაკავებული და მისი ერთ-ერთი მთავარი მიზანია, ხელი შეუწყოს ქართული კულტურის შესახებ ცნობიერების ამაღლებას, როგორც საქართველოში, ასევე საზღვრებს გარეთ და ამ მიმართულებით, არაერთი პროექტის განხორციელებას გეგმავს. „ნობლესი“ ქალ არტისტებს, საქართველოს ოკუპირებული ტერიტორიებიდან დევნილ და შეზღუდული შესაძლებლობების მქონე ნიჭიერ მხატვრებს მხარს აქტიურად დაუჭერს“, - ნათქვამია „საქართველოს ბანკის“ მიერ გავრცელებულ ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი