ტურიზმის ადმინისტრაცია - 2022 წელს საერთაშორისო ორგანიზაციებსა და სხვადასხვა სახელმწიფოსთან აქტიურად ვთანამშრომლობდით

ტურიზმის ეროვნული ადმინისტრაციის ინფორმაციით, 2022 წელს ტურიზმის ეროვნულმა ადმინისტრაციამ სხვადასხვა სახელმწიფოსა და საერთაშორისო ორგანიზაციებთან ტურიზმის სფეროში თანამშრომლობის მიზნით შეთანხმებებს მიაღწია.

მათივე ცნობით, მემორანდუმები გაფორმდა შვეიცარიის კონფედერაციის, ხორვატიის და ბუტანის შესაბამის ტურიზმის ორგანიზაციებთან, ასევე, დაინიცირდა ბულგარეთს, ურუგვაის, ბოლივიას, კოლუმბიას, დომინიკის რესპუბლიკასა და ომანთან.

წელსვე ტურიზმის ეროვნულმა ადმინისტრაციამ, იტალიაში, გლობალურ ახალგაზრდულ სამიტში მიიღო მონაწილეობა, სადაც საქართველოს სახელით სვანეთის რეგიონში, უშგულში მცხოვრები 17 წლის გიდი, გიორგი ქოჩქიანმა იყო წარდგენილი.

პანდემიის შემდგომ პერიოდში, ტურიზმის ეროვნული ადმინისტრაციისთვის პრიორიტეტულია ტურიზმის სწრაფი აღდგენა და კერძო სექტორის ხელშეწყობა. ამ მიზნით ტურიზმის ეროვნული ადმინისტრაციის ორგანიზებით, ევროპის რეკონსტრუქციისა და განვითარების ბანკისა და გაეროს მსოფლიო ტურიზმის ორგანიზაციის მხარდაჭერით, UNWTO-ს აკადემიამ ტურიზმის სექტორის წარმომადგენლებისთვის თემატური სემინარები გამართა.

წელსვე ტურიზმის ეროვნულმა ადმინისტრაციამ დონორ ორგანიზაციებთან თანამშრომლობით 2 ახალი პროექტი წამოიწყო:

USAID-ის დაფინანსებული საქართველოს ადამიანური და ინსტიტუციური შესაძლებლობების განვითარების (HICD) აქტივობის ფარგლებში, ტურიზმის ეროვნულ ადმინისტრაციისთვის ორგანიზაციული შეფასების პროგრამა დაინიცირდა, რომელიც გულისხმობს ორგანიზაციის მიერ დაკისრებული ვალდებულებების და სტრატეგიული მიზნების მიღწევის ხელშეწყობას.

ტურიზმის ეროვნული ადმინისტრაციასა და გაეროს განვითარების ფონდს (UNDP) შორის არსებული თანამშრომლობის ფარგლებში, დაიგეგმა მმართველობის რეფორმის ფონდის (GRF) ახალი პროექტი, რომლის ფარგლებში მოხდება საინფორმაციო ცენტრების ინსტიტუციური შესაძლებლობები გაძლიერდება და მომსახურების ხარისხის გაუმჯობესების ხელშეწყობა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024