მთლად ადეკვატურ მოთხოვნად არ მიმაჩნია, რომ ერთი ქვეყნის პრეზიდენტი მეორე ქვეყნის ხელმძღვანელობას რომელიმე კონკრეტული მსჯავრდებულის გათავისუფლებისკენ მოუწოდებს, მიუხედავად იმისა, რომ უკრაინული მოქალაქეობა აქვს - ეს შიდა საქმეებში ჩარევას ჰგავს, - ამის შესახებ „მოქალაქეების“ ლიდერმა ალეკო ელისაშვილმა განაცხადა, რითაც გამოეხმაურა უკრაინის პრეზიდენტის, ვოლოდიმირ ზელენსკის განცხადებას, სადაც ის მიხეილ სააკაშვილის საზღვარგარეთ მკურნალობისთვის გადაყვანის საჭიროებაზე საუბრობს.

მისი თქმით, მიხეილ სააკაშვილის ჯანმრთელობასა და სიცოცხლეზე საქართველოს ხელისუფლებაა პასუხისმგებელი.

„გათავისუფლდეს თუ არ გათავისუფლდეს ეს სხვა საკითხია. მთლად სწორი მოწოდება არ მგონია, სხვა ქვეყანას პატიმრის გათავისუფლებისკენ მოუწოდებდე. ფაქტია, რომ საქართველოს ხელისუფლებამ ყველაფერი უნდა გააკეთოს იმისთვის, რომ მიხეილ სააკაშვილი არ იყოს ფიზიკურად და ფსიქოლოგიურად ისეთი დაუძლურებული, როგორიც ვნახეთ კადრებში და ასეთ კადრებს თუ აღარ ვიხილავთ უკეთესი იქნება. სააკაშვილის ჯანმრთელობასა და სიცოცხლეზე პასუხისმგებელია საქართველოს ხელისუფლება და ყველაფერი უნდა გააკეთოს იმისთვის, რომ არც ერთი მსჯავრდებული და მათ შორის, მიხეილ სააკაშვილი ისეთ ფიზიკურ და ფსიქოლოგიურ მდგომარეობაში", - განაცხადა ელისაშვილმა.