ხატია დეკანოიძე - იმ ქვეყნის პრეზიდენტის განცხადება, რომელიც რუსეთთან ომშია ჩართული, გულისხმობს იმას, რომ მიხეილ სააკაშვილი არის ძალიან მნიშვნელოვანი ხმა უკრაინისთვის

ძალიან მნიშვნელოვანია, საქართველოს პრეზიდენტმა, რომელსაც მიხეილ სააკაშვილის გადარჩენის ბერკეტი აქვს, პრეზიდენტ ზელენსკის დამოკიდებულება და მის განცხადების შინაარსი გაითვალისწინოს, - ამის შესახებ ჟურნალისტებს ფრაქცია "ნაციონალური მოძრაობის" თავმჯდომარემ ხატია დეკანოიძემ განუცხადა.

მისივე თქმით, საქართველოს ხელისუფლებამ უნდა გაითვალისწინოს, რომ ქვეყნის მომავლისთვის და ევროინტეგრაციისთვის მნიშვნელოვანია ზელენსკის მიმართვა ყურად იღონ.

„პრეზიდენტ ზელენსკის მიმართვა ძალიან მნიშვნელოვანია. პირველ რიგში, ეს არის ცივილიზებული სამყაროს ლიდერების სწორება მიხეილ სააკაშვილის სიცოცხლის გადარჩენისკენ. იმ ქვეყნის პრეზიდენტის განცხადება, რომელიც ჩართულია რუსეთთან ომში, გულისხმობს იმას, რომ მიხეილ სააკაშვილი არის ძალიან მნიშვნელოვანი ხმა უკრაინისთვის, უკრაინის პრეზიდენტისთვის და უკრაინელებისთვის", - განაცხადა ხატია დეკანოიძემ ჟურნალისტებთან საუბრისას.

ცნობისთვის, უკრაინის პრეზიდენტი, ვოლოდიმირ ზელენსკი საქართველოს ხელისუფლებას მოუწოდებს, მიიღოს გადაწყვეტილება პატიმრობაში მყოფი ყოფილი პრეზიდენტის, მიხეილ სააკაშვილის საზღვარგარეთ სამკურნალოდ გადაყვანის შესახებ.

„მივმართავ ქართველ ხალხს, საქართველოს ხელისუფლებას - აუცილებელია გულმოწყალება, განსაკუთრებით შობის წინ. რაც ახლა მიხეილის თავს ხდება, სისასტიკეა. ეს საქართველოს არ შეეფერება. ეს უნდა შეწყდეს. გთხოვთ მიიღოთ გადაწყვეტილება, რომელიც გადაარჩენს მის სიცოცხლეს- გადაიყვანეთ მიხეილ სააკაშვილი უკრაინის ერთ-ერთ კლინიკაში, ევროპის სხვა ქვეყანაში, ამერიკაში. დროა, გადაიდგას ეს კარგი ნაბიჯი“, - აღნიშნა ზელენსკიმ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024