იაგო ხვიჩია - ყრუ მდუმარება, რომელიც სააკაშვილთან დაკავშირებით არის გამოცხადებული, შორს ვერ წაგვიყვანს

„ქართულმა ოცნებამ“ უნდა დაიწყოს სერიოზული ფიქრი იმასთან დაკავშირებით, თუ როგორ გადაწყვიტოს მიხეილ სააკაშვილის საკითხი, - ამის შესახებ „გირჩის“ დეპუტატმა, იაგო ხვიჩიამ განაცხადა, რითაც უკრაინის პრეზიდენტის, ვოლოდიმირ ზელენსკის საქართველოს მესამე პრეზიდენტ მიხეილ სააკაშვილთან დაკავშირებით გაკეთებული განცხადება შეაფასა.

მიხეილ სააკაშვილი პოლიტიკურ პრობლემას წარმოადგენს ციხეში ყველასთვის, იმ თვალსაზრისით, რომ ჩვენ ვრჩებით ამ ჩაკეტილ წრეში. მე მინდა, რომ ეს წრე გავარღვიოთ. წრე გავარღვიოთ ისე, რომ მიხეილ სააკაშვილის გარეთ გამოსვლის შემთხვევაში მაინც არ არსებობდეს ეს ჩაკეტილი წრე. ჩემი აზრით, ასეთი გზა არის შესათავაზებელი „ქართული ოცნებისთვის“. „ნაცმოძრაობა“ ამბობს, რომ მიხეილ სააკაშვილის გათავისუფლების სანაცვლოდ ყველაფრისთვის მზადაა და მგონია, რომ „ქართულმა ოცნებამაც“ სერიოზულად უნდა დაიწყოს ამ საკითხთან დაკავშირებით ფიქრი და ის ყრუ მდუმარება, რომელიც ამ თემასთან დაკავშირებით არის გამოცხადებული, შორს ვერ წაგვიყვან“, - განაცხადა იაგო ხვიჩიამ.

მან ასევე სახალხო დამცველის არჩევასთან დაკავშირებით ისაუბრა და აღნიშნა, რომ საკითხზე კონსენსუსი კვლავ არ არის მიღწეული.

კითხვაზე, ჩავარდება თუ არა პროცესი, ხვიჩია პასუხობს, რომ ეს დამოკიდებული იმაზე, მოახერხებს თუ არა „ქართული ოცნება“ „ნაცმოძრაობიდან“ ხალხის გადმობირებას.

„სამწუხაროდ, ჯერჯერობით კონსენსუსი მიღწეული არ არის არც „ნაცმოძრაობასა“ და „ქართულ ოცნებას“ შორის და არც სხვადასხვა პოლიტიკურ პარტიებს შორის. საუბარი მიდის იმაზე, კონსენსუსის გარეშე მოგროვდება თუ არა 90 ხმა“, - განაცხადა ხვიჩიამ.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა