ჩრდილოეთ კალიფორნიაში 6.4 მაგნიტუდის სიმძლავრის მიწისძვრის შედეგად ორი ადამიანი დაიღუპა, ათიათასობით ოჯახი კი ელექტროენერგიის გარეშე დარჩა.

მიწისძვრამ, სან-ფრანცისკოს ჩრდილოეთით 350 კმ მანძილზე, გზებზე ფართომასშტაბიანი დაზიანება გამოიწვია.

ხელისუფლებამ რამდენიმე გზა გადაკეტა და მოსახლეობა გააფრთხილა, მიწისქვეშა ბიძგებისთვის მოემზადონ.

ჰუმბოლდტის ოლქის შერიფის ოფისმა განაცხადა, რომ მიწისძვრის შედეგად 11 ადამიანი დაშავდა.

მიწისძვრამ გაზსადენები დააზიანა, რამაც გაჟონვა გამოიწვია. ერთ-ერთ შენობაში ხანძარი გაჩნდა, თუმცა მალევე ჩააქრეს, ხოლო ორი სხვა შენობა ჩამოინგრა.

ადგილობრივი დროით შუადღისთვის ელექტროენერგიის მიწოდება ჯერ კიდევ 69 000 აბონენტს ჰქონდა შეწყვეტილი. ხელისუფლება სტიქიისგან მიყენებულ ზარალს ითვლის.