ხათუნა ბურკაძე - აშშ-ის 2023 წლის ბიუჯეტის პროექტი კვლავ საქართველოს ტერიტორიული მთლიანობის მხარდამჭერ  მნიშვნელოვან ჩანაწერს შეიცავს

ანალიტიკური ცენტრ „ჯეოქეისის“ საგარეო პოლიტიკის მიმართულების ხელმძღვანელის, პროფესორ ხათუნა ბურკაძის განცხადებით, აშშ-ის 2023 წლის ბიუჯეტის პროექტი კვლავ საქართველოს ტერიტორიული მთლიანობის მხარდამჭერ ჩანაწერს შეიცავს, რაც მნიშვნელოვანია რუსეთის მიერ ოკუპირებული საქართველოს ტერიტორიების არაღიარების პოლიტიკის წარმატებით გაგრძელებისათვის.

მისივე განმარტებით, ამერიკის შეერთებული შტატები საქართველოსათვის თავდაცვისა და უსაფრთხოების სფეროში სტრატეგიულ პარტნიორზე მეტია, შეიძლება ითქვას, რომ სტრატეგიული მოკავშირეა.

როგორც ხათუნა ბურკაძემ აღნიშნა, აშშ-ის 2023 წლის ბიუჯეტის პროექტის მიხედვით, არცერთი სახის ფინანსური დახმარება არ უნდა იყოს აღმოჩენილი იმ მთავრობებისა და ქვეყნებისთვის, რომლებიც რუსეთის ფედერაციის მიერ ოკუპირებული საქართველოს ტერიტორიების, აფხაზეთისა და ცხინვალის რეგიონის დამოუკიდებლობას აღიარებენ და დაამყარებენ დიპლომატიურ ურთიერთობებს.

მისივე თქმით, ამის თაობაზე აშშ-ის სახელმწიფო მდივანი ასიგნებების კომიტეტს აცნობებს.

„საქართველოს სტრატეგიული ინტერესია ამერიკის შეერთებულ შტატებთან ორმხრივი თანამშრომლობის მეტად გაღრმავება, რათა საფრთხეებს გავუმკლავდეთ. უსაფრთხოების გარემოს დღევანდელი ანალიზი კიდევ უფრო ცხადყოფს ამერიკის შეერთებულ შტატებსა და საქართველოს შორის სტრატეგიული პარტნიორობისა და მოკავშირეობის ფარგლებში შესაბამისი მიდგომების მიხედვით მოქმედების აუცილებლობას“, - განაცხადა ხათუნა ბურკაძემ, რომლის კომენტარსაც „ჯეოქეისი“ ავრცელებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი