„ლიბერთი ბანკის“ ინფორმაციით, ბათუმში მდებარე ფილიალში ხანძარი არასამუშაო დროს გაჩნდა და დაზიანებულია მხოლოდ ბანკის კუთვნილი ინვენტარი
„ლიბერთი ბანკი“ ბათუმის ერთ-ერთ ფილიალში გაჩენილ ხანძართან დაკავშირებით ინფორმაციას ავრცელებს. ბანკში აცხადებენ, რომ ხანძრის შედეგად არავინ დაშავებულა, რადგან ინციდენტი არასამუშაო დროს მოხდა. მათივე ინფორმაციით, დაზიანებულია მხოლოდ ბანკის კუთვნილი ინვენტარი.
„დღეს დილით, ბათუმში, ფარნავაზ მეფის 62/64 მდებარე „ ლიბერთი ბანკის“ ფილიალში ხანძარი არასამუშაო დროს, გამთენიისას, გაჩნდა. დაზიანებულია მხოლოდ ბანკის კუთვნილი ინვენტარი.
ხანძრის გამომწვევი მიზეზების დასადგენად მიმდინარეობს გამოძიება“, - ნათქვამია განცხადებაში.
ცნობისთვის, ბათუმში ლუკა ასათიანისა და ფარნავაზ მეფის ქუჩების კვეთაზე მდებარე „ლიბერთი ბანკის“ შენობას ცეცხლი გაუჩნდა. შემთხვევა დღეს დილით მოხდა.
