კახა კალაძე - მეტროსადგურ „გოცირიძის“ სარეაბილიტაციო სამუშაოები დიდი დაგვიანებით, მაგრამ შესრულებულია - არის რამდენიმე დეფექტი, რომელსაც თავად მერია გაასწორებს, უპასუხისმგებლო კომპანიასთან კი ხელშეკრულება უნდა გავწყვიტოთ

დედაქალაქის მერის, კახა კალაძის განცხადებით, მეტროსადგურ „გოცირიძის“ სარეაბილიტაციო სამუშაოები ძალიან დიდი დაგვიანებით, თუმცა შესრულებულია. ამის შესახებ კალაძემ თბილისის მუნიციპალიტეტის მთავრობის სხდომაზე ისაუბრა.

დედაქალაქის მერის განცხადებით, შესრულებულ სამუშაოებს აქვს გარკვეული დეფექტები, თუმცა ამ დეფექტებს არა კომპანია, არამედ თავად მერია გამოასწორებს, რადგან კალაძის დავალებით შპს „მამისონთან“, რომელიც სამუშაოებს ასრულებდა, ხელშეკრულება ცუდად შესრულებული სამუშაოს გამო წყდება.

„მეტროსადგურ „გოცირიძის“ სარეაბილიტაციო სამუშაოები დაგვიანებით, ძალიან დიდი დაგვიანებით, მაგრამ შესრულებულია, თუ არ ჩავთვლით რამდენიმე დეფექტს, რამდენიმე პრობლემას, რომელიც აუცილებლად უნდა გამოსწორდეს. სამუშაოების დაგვიანების გარდა, მნიშვნელოვანია ის, რომ კომპანიამ არ აწარმოა საჭირო დოკუმენტაცია. ჯერჯერობით არ ჩატარებულა შესაბამისი ექსპერტიზა. მე რამდენჯერმე ხაზი გავუსვი იმას, რომ მიმდინარეობს ექსპლუატაციაში მიღების პროცედურები, დადგენილია გარკვეული დეფექტები, რომელსაც სჭირდება გამოსწორება, თუმცა აღნიშნული კომპანია, ვინც ამდენი ხნის განმავლობაში აწარმოებდა სამუშაოებს, არის ძალიან პრობლემური კომპანია, არის უპასუხისმგებლო კომპანია, შესაბამისად, ჩვენ არ ვთვლით საჭიროდ, რომ მოხდეს ამ კომპანიასთან სამუშაოების გაგრძელება. არც იმაში ვარ დარწმუნებული, რომ ეს კომპანია შეძლებს აღნიშნული დეფექტების გამოსწორებას, რომელიც არის დადგენილი. ამიტომ, მინდა დავავალო ვიცე- მერს, მინდა დავავალო ასევე სატრანსპორტო კომპანიის ხელმძღვანელს, რომ გაწყვიტოთ ხელშეკრულება აღნიშნულ კომპანიასთან. ეს არის ყველანაირად უპასუხისმგებლო კომპანია და არანაირი სურვილი არ გვაქვს არავის ასეთ კომპანიებთან თანამშრომლობის. მიიღეთ ყველა შესაბამისი ზომა, რომ აღნიშნული კომპანია ვერც ერთ სატენდერო პროცედურებში ვეღარ მოხვდეს მომდევნო წლების განმავლობაში. გადადგით ყველა ის ნაბიჯი, რაც მოახდენს აღნიშნული კომპანიის გაშავებას. ასეთი კომპანიები არის მხოლოდ და მხოლოდ დამაზიანებელი. ამდენი ხნის განმავლობაში ელემენტარული დოკუმენტწარმოებას რომ ვერ ახორციელებ და შესაბამისი დოკუმენტაცია არ გაქვს წარმოდგენილი, პროექტის ცვლილებების განხორციელების, ეს ძალიან მძიმეა. შესაბამისად, ყველა ის სამუშაო, რაც არის ჩასატარებელი და რაც არის გამოსასწორებელი, აიღეთ პასუხისმგებლობა და ჩვენვე გამოვასწოროთ. თანხები, რაც დაიხარჯება, სასამართლოს გზით მოსთხოვეთ აღნიშნულ კომპანიას. აღნიშნული კომპანია არის შპს „მამისონი“,- განაცხადა დედაქალაქის მერმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024