„ერთიანი ნაციონალური მოძრაობის“ დეპუტატებს, რომლებიც პარლამენტში მე-7 დღეა შიმშილობენ, ანალიზები აუღეს.

როგორც ექთანმა თამარ შათირიშვილმა ჟურნალისტებს განუცხადა, ანალიზის შედეგები დღის ბოლოს გახდება ცნობილი.

„გამოგვიძახეს, ანალიზების გაკეთების მიზნით მოვედით. გავუკეთეთ ანალიზები, დღის ბოლოს იქნება შედეგები. მე ვარ ექთანი, მხოლოდ ანალიზებზე გამოგვიძახეს, მათი ჯანმრთელობის შესახებ ვერაფერს გეტყვით“, - განაცხადა თამარ შათირიშვილმა.

ცნობისთვის, „ნაციონალური მოძრაობის“ სამი დეპუტატი - დავით კირკიტაძე, ანი წითლიძე და თემურ ჯანაშია პარლამენტში, ყოფილი პრეზიდენტის, მიხეილ სააკაშვილის სამკურნალოდ საზღვარგარეთ გადაყვანის მოთხოვნით შიმშილობენ.