ანა წითლიძე - ვულოცავ მიხეილ სააკაშვილს დაბადების დღეს - ერთადერთი რამ მინდა ვუსურვო და ვუთხრა - იცოცხლე პრეზიდენტო!

ხვალ არის მიხეილ სააკაშვილის ძალიან მნიშვნელოვანი სასამართლო პროცესი. მნიშვნელოვანია ყველა ამ პროცესზე იყოს კონცენტრირებული და მნიშვნელოვანია, რომ ეს პროცესი არ გაიწელოს, რადგან თითოეული დღეს არის დაკარგული პრეზიდენტის სიცოცხლისა და ჯანმრთელობისთვის, - ამის შესახებ „ერთიანი ნაციონალური მოძრაობის“ წევრმა ანა წითლიძემ განაცხადა, რომელიც პარლამენტში მე-7 დღეა შიმშილობს.

ამასთან, როგორც მან აღნიშნა, ჯერჯერობით, მოშიმშილე დეპუტატების ჯანმრთელობის მდგომარეობა დამაკმაყოფილებელია.

„თქვენ ხედავთ, რომ როგორც ქვეყნის შიგნით, ასევე ქვეყნის გარეთ, ბოლო დღეების განმავლობაში, მიხეილ სააკაშვილის სამკურნალოდ გადაყვანასა და მისი სიცოცხლის გადარჩენას ითხოვენ. მინდა ყველა ამ ადამიანს გადავუხადო მადლობა. მჯერა, რომ ჰუმანიზმი, კეთილგონიერება და სიკეთე გაიმარჯვებს სისასტიკესა და ბოროტებაზე. ხვალ არის ძალიან მნიშვნელოვანი სასამართლო პროცესი. მნიშვნელოვანია ყველა ამ სასამართლო პროცესზე იყოს კონცენტრირებული და მნიშვნელოვანია, რომ ეს პროცესი არ გაიწელოს, რადგან თითოეული დღე არის დაკარგული პრეზიდენტის სიცოცხლისა და ჯანმრთელობისთვის.

რაც შეეხება ჩემი ჯანმრთელობის მდგომარეობას, მე ვღელავ პრეზიდენტის ჯანმრთელობის მდგომარეობაზე და ჩემი მეგობრების ჯანმრთელობის მდგომარეობაზე, რომლებიც ჩემთან ერთად შიმშილობენ. რაც შეეხება დანარჩენს, ჩვენ ძალიან პრინციპულად მივიღეთ ეს გადაწყვეტილება და გვესმის ის სირთულე, რომელიც ამ პროცესს ახლავს თან, მაგრამ ეს არ არის ის საკითხი, რომელიც არის მნიშვნელოვანი იმდენად, რომ ეს იყოს მთავარი თემა. ჩვენ ვაგრძელებთ შიმშილობას, აგვიღეს ანალიზები და, ჯერჯერობით, ყველაფერი ნორმალურადაა“, - განაცხადა წითლიძემ.

ამასთან, მან მიხეილ სააკაშვილს დაბადების დღეც მიულოცა.

„ვულოცავ საქართველოს მესამე პრეზიდენტს დაბადების დღეს. ერთადერთი რამ მინდა ვუსურვო და ვუთხრა - იცოცხლე პრეზიდენტო!“ - აღნიშნა წითლიძემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი