ი. ციციშვილის სახელობის ბავშვთა კლინიკა ფუნქციონირებას გაზრდილი დატვირთვითა და მიმართვიანობით განაგრძობს

ი. ციციშვილის სახელობის ბავშვთა კლინიკა ფუნქციონირებას გაზრდილი დატვირთვითა და მიმართვიანობით განაგრძობს.

ამის შესახებ ინფორმაციას „ევექსი“ ავრცელებს.

მათივე ცნობით, ჰოსპიტალში გამოიყო დამატებითი საწოლფონდი, გაიზარდა მედპერსონალის რაოდენობა და დაწესდა მორიგეობის საგანგებო რეჟიმი.

კლინიკის დირექტორის, დავით რეხვიაშვილის განცხადებით, სამედიცინო მომსახურებასა და პერსონალზე გაზრდილი მოთხოვნის დაკმაყოფილება ადმინისტრაციამ იაშვილის ბავშვთა საავადმყოფოს პროფესიონალთა გუნდთან თანამშრომლობით შეძლო. „ბოლო 2 თვე ჩვენი კლინიკისთვის გამოწვევებით სავსე აღმოჩნდა. ზამთრის სეზონის დადგომასთან ერთად, ქვეყანაში ვირუსული ინფექციების რაოდენობამ მკვეთრად იმატა. ასევე, საგრძნობლად გაიზარდა მომართვიანობა ისეთი რთული სამედიცინო შემთხვევების კუთხით, სადაც პოლიპროფილური მიდგომაა საჭირო (ავტოსაგზაო შემთხვევები, სიმაღლიდან ვარდნა, უცხო სხეული სასუნთქ გზებსა და საყლაპავში, თავის ტვინის სიმსივნეები, ნეიროქირურგიული ოპერაციები და სხვა). სწორედ ამ ფონზე ჩვენს მედპერსონალსა და ადმინისტრაციას განსაკუთრებული პასუხისმგებლობა დაეკისრა და მინდა თამამად აღვნიშნო, რომ ამ პასუხისმგებლობას შესანიშნავად გაართვა თავი,“ - აცხადებს კლინიკის დირექტორი დავით რეხვიაშვილი.

კლინიკაში განმარტავენ, რომ ურთულესი ქირურგიული ოპერაციები პედიატრიულ სეგმენტში იაშვილის ბავშვთა საავადმყოფოს ექიმების გუნდთან თანამშრომლობით განხორციელდა. მოეწყო შესაბამისი სამედიცინო სივრცეები და განყოფილებები დამატებითი სერვისების მისაწოდებლად. მათ შორის, შეიქმნა კიდევ ერთი საოპერაციო ბლოკი. მობილიზდა დამატებითი საწოლფონდიც და მედპერსონალი მუშაობის საგანგებო რეჟიმზე გადავიდა. შედეგად, ციციშვილის ბავშვთა კლინიკაში მიღებულ პაციენტთა პროცენტული მაჩვენებელი, გასულ წელთან შედარებით, 57%-ით გაიზარდა.

ცნობისთვის, კლინიკა მრავალპროფილური პედიატრიული სამედიცინო დაწესებულებაა და 0-დან 18 წლამდე პაციენტებს მართავს.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს