პაატა მანჯგალაძე - აუცილებელია ერთიანი ოპოზიციური ფრონტის შექმნა, რომ ხელისუფლება გამოვაცალოთ ადამიანებს, რომლებიც წარმოადგენენ რუსების ტროლების ფერმას საქართველოში

ხორციელდება სპეცოპერაცია მიხეილ სააკაშვილის წინააღმდეგ და ადამიანები ცდილობენ, რომ როგორმე აღუდგნენ ამ სპეცოპერაციას წინ, - ამის შესახებ „სტრატეგია აღმაშენებლის“ ერთ-ერთმა ლიდერმა პაატა მანჯგალაძემ მიხეილ სააკაშვილთან და მისი საზღვარგარეთ გადაყვანის მოთხოვნით მოშიმშილე ადამიანებთან დაკავშირებით საუბრისას განაცხადა.

მანჯგალაძის თქმით, ერთი წინააღმდეგობის მხოლოდ ერთი ფორმა ვერ იმოქმედებს „ქართულ ოცნებაზე“, ამიტომ აუცილებელია ერთიანი ოპოზიციური ფრონტის შექმნა და მთავარ საკითხებზე შეთანხმება, რომ ხელისუფლება დატოვონ ადამიანებმა, რომლებიც „წარმოადგენენ რუსების ტროლების ფორმას საქართველოში“.

„თქვენ იცით პრეზიდენტ ზელენსკის განცხადება სააკაშვილის ჰუმანიტარული მიზნებიდან გამომდინარე უცხოეთში გადაყვანასთან დაკავშირებით. ამას მოჰყვა „ქართული ოცნების“ პროპაგანდა, სადაც უსირცხვილოდ ამბობდნენ, თითქოს სპეცოპერაცია ჩაატარეს, შემოიყვანეს სააკაშვილი, რადგან მეორე ფრონტი გაეხსნათ ანუ პირველი ფრონტიც თითქოს დასავლეთმა დაგეგმა და გახსნა და ახლა მეორე ფრონტის გახსნაც უნდათ. ერთიანად სხდებიან რუსულ ნარატივში და საუბრობენ ურცხვად - რუსეთს არ ახსენებენ და დასავლეთს და უკრაინას აბრალებენ ომის დაწყებას. ესენი არიან მავნებლები, წარმოადგენენ რუსულ აგენტურას და რუსული ტროლების ფერმას საქართველოში.

ერთი წინააღმდეობის ფორმა ვერ იმოქმედებს „ქართულ ოცნებაზე“, ამიტომ აუცილებელია ერთიანი ოპოზიციური ფრონტის შექმნა და მთავარ საკითხებზე შეთანხმება, რომ ხელისუფლება გამოვაცალოთ ადამიანებს, რომლებიც წარმოადგენენ რუსების ტროლების ფერმას საქართველოში“,- განაცხადა მანჯგალაძემ.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია