მედეა ჯანიაშვილი - Best Tourism Villages by UNWTO-ის ნომინაციაში გამარჯვება კიდევ ერთხელ დაგვეხმარება მსოფლიო ტურისტულ ბაზარს გავაცნოთ სვანეთი და უფრო მეტი ვიზიტორი მოვიზიდოთ საქართველოში

გაეროს მსოფლიო ტურიზმის ორგანიზაციის ნომინაციაში Best Tourism Villages by UNWTO მესტიის გამარჯვებას ტურიზმის ეროვნული ადმინისტრაციის ხელმძღვანელის მოვალეობის შემსრულებელი მნიშვნელოვან მიღწევად აფასებს.

მედეა ჯანიაშვილის განცხადებით, ეს გამარჯვება ქვეყანაში კიდევ უფრო მეტი ტურისტის მოზიდვას შეუწყობს ხელს.

„ძალიან სასიხარულო ფაქტია 130-ზე მეტი განაცხადი იყო და ხმათა უმრავლესობით საუკეთესო ტურისტულ მიმართულებად მესტია შეირჩა. შერჩევის პროცესში კომპლექსურ მიდგომებს მიექცა ყურადღება, მათ შორის სვანეთის მრავალფეროვან ტურისტულ შეთავაზებას, კულტურას, ბუნებრივ რესურსებს, შენარჩუნებულ ავთენტურობას. ჩვენ მსოფლიო ტურისტულ ბაზარს თანამედროვე ტურისტულ პროდუქტებს ვთავაზობთ. სვანეთი გამოირჩევა ადგილობრივი მოსახლეობის ჩართულობით, ტურიზმის განვითარების ტემპით და პოპულარობით, როგორც საერთაშორისო ასევე შიდა მასშტაბით. ეს კიდევ ერთხელ დაგვეხმარება მსოფლიო ტურისტულ ბაზარს გავაცნოთ სვანეთი და კიდევ უფრო მეტი ვიზიტორი მოვიზიდოთ საქართველოში“, - განაცხადა მედეა ჯანიაშვილმა.

ტურიზმის ეროვნული ადმინისტრაციის მიერ გავრცელებული ინფორმაციით, Best Tourism Villages by UNWTO-ის პროექტი წარმოადგენს მსოფლიო ტურიზმის ორგანიზაციის ერთ-ერთ უმნიშვნელოვანეს ინიციატივას, რომლის მიხედვითაც, გამარჯვებულის სტატუსი ენიჭება გამორჩეული დანიშნულების ადგილების მქონე ლოკაციებს, მიმართულებას, სადაც სანიმუშოდ ვითარდება სოფლის ტურიზმი; გააჩნია აღიარებული კულტურული და ბუნებრივი რესურსები და ამასთანავე აქტიურად და ეფექტიანად ხდება ადგილობრივი საზოგადოების ძირითად ღირებულებებზე და ცხოვრების წესზე დაფუძნებული ინტერესების და საჭიროებების უზრუნველყოფა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი