ნიკოლოზ სამხარაძე - კარგი იქნება, თუ უკრაინის ოფიციალური სტრუქტურები პოდოლიაკის, არესტოვიჩისა და დანილოვის განცხადებებს მკაფიოდ გაემიჯნებიან

მინდა უკრაინის ხელისუფლებას პოდოლიაკის, არესტოვიჩისა და დანილოვის განცხადებები გავახსენო - კარგი იქნება, თუ უკრაინის ოფიციალური სტრუქტურები ამ ადამიანების განცხადებებს მკაფიოდ გაემიჯნებიან! - ამის შესახებ ჟურნალისტებს პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ განუცხადა.

როგორც სამხარაძემ აღნიშნა, ამ თემაზე უკრაინელ კოლეგებთან ბევრჯერ უსაუბრიათ, მათი პასუხია, რომ ეს ადამიანები უკრაინის ოფიციალურ პოზიციას არ წარმოადგენენ, ამიტომ სამხარაძის თქმით, „ამ თვალსაზრისით ცოტა გაურკვევლობაა“.

„მინდა, უკრაინის ხელისუფლებას და საგარეო უწყებას მათივე მაღალჩინოსნების განცხადებები შევახსენო, რომელიც მთელი ამ ხნის განმავლობაში მათ შორის საქართველოში ომის დაწყებასთან დაკავშირებით გვესმოდა. მინდა მათ პოდოლიაკის, არესტოვიჩისა და დანილოვის განცხადებები გავახსენო. თუ ისინი ამ განცხადებებს არ ეთანხმებიან და ემიჯნებიან, ძალიან კარგია და მოხარული ვართ. მაშინ საქმე სხვა რამესთან გვქონია, მაგრამ თუნდაც უკრაინის საგარეო საქმეთა სამინისტროს განცხადება არ მოგვისმენია, რომ ისინი პოდოლიაკის, დანილოვისა და არისტოვიჩის განცხადებას ემიჯნებიან. თუ ეს ადამიანები არ არიან ოფიციალური პირები, მაშინ ამაზეც უკრაინის საგარეოს განმარტებას მოვისმენდით, რომ ვიცოდეთ, ვინ ლაპარაკობს უკრაინის სახელით“, - განაცხადა ჟურნალისტებთან პარლამენტის საგარეო ურთიერთობათა კომიტეტის თავმჯდომარემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი