თბილისის საკრებულო - თბილისში ახალი პროექტი „გაამწვანე თბილისის ბაგა-ბაღები“ დაიწყო

თბილისის საკრებულოს სამგორის რაიონის მაჟორიტარი დეპუტატის რევაზ სოხაძის ინიციატივით, თბილისის მერიის ახალი პროექტის „გაამწვანე თბილისის ბაგა-ბაღები“ ფარგლებში ვარკეთილი 3-ში მდებარე N169 საბავშვო ბაღის ეზოში გამწვანების აქცია მოეწყო. ინფორმაციას თბილისის საკრებულო ავრცელებს.

როგორც საკრებულოს დეპუტატმა რევაზ სოხაძემ აღნიშნა, დედაქალაქის მთავრობის ერთ-ერთ უმთავრეს პრიორიტეტს გამწვანება და თბილისში მეტი რეკრეაციული სივრცის უზრუნველყოფით ეკოლოგიურად სუფთა, ჯანსაღი გარემოს შექმნა წარმოადგენს.

„დღეს მთავრობის სხდომაზე მნიშვნელოვანი ინიციატივა გაჟღერდა, ეს არის „გაამწვანე თბილისის ბაგა-ბაღები“, რაც თბილისში არსებული ბაგა-ბაღების ეზოების გამწვანებას გულისხმობს. მნიშვნელოვანია პატარების ჩართულობაც, რადგან ისინი თავად იღებენ ხეების დარგვაში მონაწილეობას. აღნიშნული პროექტი ბაღების ინფრასტრუქტურის გაუმჯობესების მიზნით ხორციელდება. ჩვენს ქალაქში მნიშვნელოვანია ნებისმიერი ტერიტორიის რეკრეაციული დატვირთვით გამოყენება“, - განაცხადა რევაზ სოხაძემ.

უწყების ცნობით, გამწვანების ღონისძიებაში, ფრაქცია „ქართული ოცნება-დემოკრატიული საქართველოს“ თავმჯდომარე ოთარ გრიგოლია, თბილისის საკრებულოს წევრები ნინო ვარდოსანიძე, ლევან არველაძე, ლევან აბაშიძე, თბილისის მერის მოადგილე ანდრია ბასილაია, გარემოს დაცვის საქალაქო სამსახურის უფროსის მოვალეობის შემსრულებელი პაატა ტოგონიძე, თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე, სამგორის რაიონის გამგებელი კახა სამხარაძე, ბაღის აღმზრდელ-პედაგოგები და აღსაზრდელები მონაწილეობდნენ.

თბილისის ბაგა-ბაღების გამწვანების პროექტის ფარგლებში N169 საბავშვო ბაღის ეზოს გამწვანება დაიწყო, რომელიც თბილისის მერიის გარემოს დაცვის საქალაქო სამსახურმა და შპს „ეკოსერვის ჯგუფმა“ განახორციელა, სადაც 150-მდე ძირი სხვადასხვა სახეობის ნერგი, კერძოდ, ჰიმალაის კედარი, მინდვრის ნეკერჩხალი, ატლასის კედარი და იფანი დაირგო.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი