გია ვოლსკი - როგორც კი სააკაშვილთან დაკავშირებულ სამართლებრივ და ჯანდაცვის საკითხებში პიარკამპანია ჩაერთო, აქტუალური გახდა სიტყვები: „მოწამვლა და „პოლონიუმი“ - ეს თემა პოლიტიკური თაღლითების ხელში აღმოჩნდა

როგორც კი მიხეილ სააკაშვილთან დაკავშირებულ სამართლებრივ და ჯანდაცვის საკითხებში პიარკამპანია ჩაერთო, იმ წუთშივე აქტუალური გახდა სიტყვები - მოწამვლა და პოლონიუმი - ეს თემა არა თუ მანიპულატორების, არამედ ჩამოყალიბებული პოლიტიკური თაღლითების ხელში აღმოჩნდა, რომლებმაც გადაწყვიტეს, რომ საერთაშორისო ასპარეზზე ყურადღება ასე უნდა მიიქციონ , - აღნიშნული განცხადება ჟურნალისტებთან პარლამენტის პირველმა ვიცე-სპიკერმა გია ვოლსკიმ გააკეთა.

ვოლსკის შეფასებით, სააკაშვილის “დამსახურებული სასჯელისგან“ გათავისუფლებას ასეთი სახის ზეწოლით ცდილობენ.

“მაქვს საფუძველი ვთქვა, რომ თავად სააკაშვილის მხრიდან ადგილი აქვს სიმულაციას, რადგან რამდენიმე დღის წინ ამბობდა, რომ ლაპარაკი არანაირ მოწამვლაზე არ შეიძლება იყოს. დღეს კი საპირისპირო განცხადებებს აკეთებენ როგორც თავად სააკაშვილი, ასევე ის ადამიანები, რომლებიც ხან ადვოკატებად წარმოგვიდგენენ თავს, ხან ოჯახის წევრებად, ხან თანაპარტიელებად. ყველა ეს ადამიანი გაერთიანებულია იმ ჯგუფში, რომელსაც ჰქვია შეთქმულება საქართველოს წინააღმდეგ. ეს ადამიანები ჩამოყალიბებული თაღლითები არიან! ამ თაღლითობას საკმაოდ სერიოზული მიზეზი აქვს - ეს არის პოლიტიკურ ველზე წარმატებისკენ სწრაფვა, საზოგადოების დარაზმვა, რათა რევოლუციური პროცესი განვითარდეს, ხოლო სახელმწიფო ინტერესებს ზარალი მიადგეს. ამ ინტერესს აშკარად ვხედავთ“, - განაცხადა გია ვოლსკიმ.

გიორგი სანიკიძე - რუსეთში დღეს იმდენად დიდია დაბნეულობა, იმდენადაა იგი გარიყული საერთაშორისო ასპარეზიდან და დასუსტებულია, არა მგონია მას სამხრეთ კავკასიაში მიზანმიმართული პოლიტიკის განხორციელების უნარი ჰქონდეს
ლელა ჯანაშვილი - „პერსონალურ მონაცემთა დაცვის შესახებ“ ახალი კანონი მნიშვნელოვანია კანონმდებლობის ევროპულ სტანდარტებთან დაახლოებისთვის - ის არსებითად გააუმჯობესებს პერსონალურ მონაცემთა დამუშავების პროცესსა და ზედამხედველობას
ქართული პრესის მიმოხილვა 02.10.2023
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა