ალუდა ღუდუშაური - რამ აიძულა ქალბატონი სანდუ, ასეთი განცხადება გაეკეთებინა? - ეს დალოცვილი ხალხი ევროპული ღირებულებებისკენ მიისწრაფვის, მეორე ხელით კი მათივე სასამართლოს გადაწყვეტილებას ხევს

რამ აიძულა ქალბატონი სანდუ, რომ ასეთი განცხადება გაეკეთებინა, ბატონმა ზელენსკიმ კი განაცხადა, რომ ვიღაცას აბუჩად იგდებენ - ეს დალოცვილი ხალხი ევროპული ღირებულებებისკენ მიისწრაფვის, მეორე ხელით კი ხევენ ევროპის სასამართლოს მიერ მიღებულ გადაწყვეტილებას, რომლითაც მსჯავრდადებული სააკაშვილი გამტყუნებულია , - ამის შესახებ „ქართული ოცნების“ დეპუტატმა ალუდა ღუდუშაურმა ტელეკომპანია „პალიტრანიუსის“ გადაცემა „360 გრადუსში“ განაცხადა,

მისი თქმით, აღნიშნულმა პირებმა სააკაშვილის პატიმრობა უკანონო პატიმრობად გამოაცხადეს და ევროპული სასამართლოს გადაწყვეტილება ფეხქვეშ გათელეს.

„ქალბატონმა სანდუმ არ იცის, რომ ევროპის სასამართლოს გადაწყვეტილება უზენაესია? იცის, მაგრამ აქ არის სწორედ დიდი კითხვის ნიშანი, რამ აიძულა ქალბატონი სანდუ, რომ ასეთი განცხადება გაეკეთებინა. ბატონმა ზელენსკიმ განაცხადა, რომ ვიღაცას აბუჩად იგდებენ აქ და ადამიანის უფლებებთან შეუსაბამო ქმედებებია. სააკაშვილის პატიმრობა ერთგვარ უკანონო პატიმრობად გამოაცხადეს - ეს დალოცვილი ხალხი ევროპული ღირებულებებისკენ მიისწრაფვის და მეორე ხელით ევროპის სასამართლოს მიერ მიღებულ გადაწყვეტილებას, რომლითაც მსჯავრდადებული სააკაშვილი გამტყუნებულია, ხევენ. ამ გადაწყვეტილებას ფეხქვეშ თელავენ. რასთან გვაქვს საქმე?“, - განაცხადა ალუდა ღუდუშაურმა.

კითხვაზე, ეთანხმება თუ არა მისი პარტიის წევრების ნარატივს, რომ სააკაშვილი საქართველოში უკრაინულმა მხარემ იმისთვის გამოგზავნა, რომ შემდეგ მას საქართველოში „მეორე ფრონტი“ გაეხსნა, ღუდუშაური ამბობს, რომ „მხარდაჭერა, რასაც სააკაშვილს უცხადებენ იმის გამოა, რომ დღეს ის და „ნაციონალური მოძრაობა“ ხელისუფლებაში რომ ყოფილიყვნენ, საქართველო ომში ჩართული იქნებოდა“.

„არავის არ სჯერა, რომ სააკაშვილი ისეთი გამბედავი და ვაჟკაცია, რომ თვითონ შეხტა არაჟნებით დატვირთულ ტრაილერში. ისეთი გამბედავი და ვაჟკაცია, რომ ეს გზა გამოიარა, რომ აქ რაღაცები მოეხდინა. უცხო ქვეყნის მოქალაქე საზღვარს ისე კვეთს, რომ იქ ვერაფერი ვერავინ გაიგო, კითხვის ნიშნებია, როგორ გადმოკვეთა საზღვარი. გამოძიება არის თუ არა იქ დაწყებული, არ გაინტერესებთ? - ცნობილმა ავანტიურისტმა ქვეყანა ისე დატოვა ვერავინ ვერაფერი გაიგო. თურმე სააკაშვილი ისეთი გამბედავი და მოქნილია, ისე აღმოჩნდა საქართველოში, კითხვის ნიშნები არ ყოფილა. ამიტომ ქრონოლოგიაში თუ გავყვებით, „ფაზლს“ ავაწყობთ და მივიღებთ სურათს, რომ სააკაშვილი და „ნაციონალური მოძრაობა“ ხელისუფლებაში რომ იყვნენ, დღეს გოჯი მიწა არ იქნებოდა დარჩენილი, სადაც ომი არ იქნებოდა“,- განაცხადა ალუდა ღუდუშაურმა.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)