მიხეილ სააკაშვილის ძმა - სახელმწიფო წირავს ადამიანს და მის დაღუპვას აწერს ხელს

სახელმწიფო წირავს ადამიანს და მის დაღუპვას აწერს ხელს, - ამის შესახებ საქართველოს მესამე პრეზიდენტის, მიხეილ სააკაშვილის ძმამ, გიორგი სააკაშვილმა განაცხადა.

როგორც მან საქალაქო სასამართლოს ეზოში ჟურნალისტებთან აღნიშნა, მიხეილ სააკაშვილის სასამართლო პროცესის განვითარებას მოსამართლე არევაძის დამოკიდებულება განსაზღვრავს.

"მდგომარეობა რომ მძიმეა, ყველანი ვთანხმდებით. პროცესი ორჯერ გადაიდო. ჯერ პროცესს ცხრა დეკემბერს ველოდებოდით, მერე კიდევ ერთხელ გადაიდო თოთხმეტში. მოსამართლე არევაძისგან მოვისმინეთ, რომ პროცესი 21 დეკემბერს არ ჩაინიშნებოდა, რადგან მიხეილ სააკაშვილს დაბადების დღე ჰქონდა და არ სურდა დამთხვეოდა. მოვიდა 22 რიცხვი. ჩვენი მოთხოვნა ძალიან მკაფიოა, გადაწყვეტილება უნდა მიიღონ. სახელმწიფო წირავს ადამიანს და მის დაღუპვას აწერს ხელს, ვინაიდან, მისი ჯანმრთელობის მდგომარეობიდან გამომდინარე, მე დანამდვილებით შემიძლია გითხრათ, რომ ვერ გაძლებს. დღევანდელი სასამართლო პროცესი ძალიან მნიშვნელოვანია. წინა სასამართლო პროცესზე მოსამართლე არევაძემ პენიტენციურ სამსახურს დაავალა, რომ მინიმუმ ჩართონ. თავად დიდი სურვილი ჰონდა, რომ მოსულიყო, მაგრამ მისი ჯანმრთელობის მდგომარეობიდან გამომდინარე, შეუძლებელია. რომ ჩართონ, საზოგადოება დაინახავს, რა მძიმე მდგომარეობაშია.

მე მართლა ვერ გეტყვით, რამდენი ხანი შეიძლება გაგრძელდეს პროცესები. ნათლად გამოჩნდება მოსამართლის დამოუკიდებლობა, რადგან მოვლენების განვითარება მასზეა დამოკიდებული. შეიძლება ერთ სასამართლო პროცესში დაასრულოს, შეიძლება - ათში. უბრალოდ, ჩვენ კიდევ ვაფიქსირებთ, რომ პროცესების გაწელვა მის მდგომარეობას მეტად დაამძიმებს", - განაცხადა გიორგი სააკაშვილმა.

მისივე თქმით, ერთადერთი, ვინც მიხეილ სააკაშვილის მდგომარეობის სიმძიმეს არ ეთანხმება, საქართველოს მთავრობაა.

როგორც მესამე პრეზიდენტის ძმამ აღნიშნა, მიხეილ სააკაშვილი საქართველოს ისტორიაა და მისი გაწირვის საშუალებას არავის მისცემენ.

"ჩვენ ვისმენთ ზელენსკის განცხადებას, სახელმწიფო დეპარტამენტის განცხადებას... ყველა თანხმდება, რომ მიშას მდგომარეობა მძიმეა. ერთადერთი, ვინც ამას არ აღიარებს, საქართველოს მთავრობაა.

ჩვენ მიშა სააკაშვილს არ გავაწირვინებთ, რადგან მიშა არის საქართველოს ისტორია", - განაცხადა გიორგი სააკაშვილმა.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს