ნუგზარ წიკლაური - თუ დავინახეთ, რომ სააკაშვილის სასამართლო პროცესები გაიწელა, „ნაციონალური მოძრაობა“ ინერტული ვერ დარჩება და მიღებული იქნება გადაწყვეტილებები საპროტესტო ფორმებთან დაკავშირებით

თუ სასამართლომ მიიღო ისეთი ტიპის გადაწყვეტილება და ჩვენ დავინახეთ, რომ უბრალოდ გაწელვა ხდება მოვლენების, ცხადია, რომ "ერთიანი ნაციონალური მოძრაობა" ვერ დარჩება ინერტული და მიღებული იქნება გადაწყვეტილებები საპროტესტო ფორმებთან დაკავშირებით. ჯერ დაველოდოთ სასამართლოს გადაწყვეტილებას, - ამის შესახებ “ნაციონალური მოძრაობის” წევრმა ნუგზარ წიკლაურმა ჟურნალისტებს თბილისის საქალაქო სასამართლოში განუცხადა, სადაც მესამე პრეზიდენტის სასჯელის გადავადების საკითხზე სხდომა იმართება.

წიკლაურის თქმით, დღევანდელი პროცესიდან მხოლოდ პოლიტიკური გადაწყვეტილების მოლოდინი აქვს.

„დადებითი და უარყოფითი გადაწყვეტილების შემთხვევაშიც იქნება ხელისუფლების პოლიტიკური ვერდიქტი. ასეთი მოლოდინი მაქვს. ახლა, ჩვენ მთლიანად კოორდინირებული ვართ დაცვის მხარესთან, ოჯახთან, მიხეილ სააკაშვილთან და ვაცნობიერებთ, რომ ის ტაქტიკა რაც არის არჩეული, მაგისტრალური ხაზი - ჰუმანიტარული კორიდორის შექმნა, უმთავრესია. მაგრამ თუ სასამართლომ მიიღო იმ ტიპის გადაწყვეტილება და ჩვენ დავინახეთ, რომ უბრალოდ გაწელვა ხდება ამ მოვლენების, ცხადია, რომ ენმ ვერ დარჩება ინერტული და მიღებული იქნება გადაწყვეტილებები საპროტესტო ფორმებთან დაკავშირებით. ჯერ დაველოდოთ სასამართლოს გადაწყვეტილებას. ძალიან დიდი იმედი მინდა გამოვთქვა, რომ ასეთი ხელისუფლებისთვისაც კი, ადამიანის სიცოცხლე და ფუნდამენტური ღირებულებები მნიშვნელოვანია. როცა იქნება ეს გადაწყვეტილებები, შემდეგ მოგახსენებთ ცალკეულ გეგმებზე”, - განაცხადა წიკლაურმა.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე