მოსამართლემ პენიტენციური სამსახურის სამედიცინო დეპარტამენტის ხელმძღვანელის აცილების შესახებ მიხეილ სააკაშვილის ადვოკატის შუამდგომლობა არ დააკმაყოფილა

მიხეილ სააკაშვილის ადვოკატმა, შალვა ხაჭაპურიძემ სპეციალური პენიტენციური სამსახურის სამედიცინო დეპარტამენტის ხელმძღვანელის მალხაზ ურთქმელიძის აცილებას მოითხოვა.

როგორც ხაჭაპურიძემ შუამდგომლობაში განმარტა, სააკაშვილის მიმართ პენიტენციურ დაწესებულებებში განხორციელებული მოპყრობის თაობაზე გამოძიება დაწყებულია. მისი თქმით, ურთმელიძე წარსულში

გორის ჰოსპიტლის ხელმძღვანელი იყო, როცა იქ სააკაშვილი იყო მოთავსებული. ხაჭაპურიძის თქმით, ის მიმდინარე გამოძიების საქმეში მოწმედ უნდა დაიკითხოს, შესაბამისად, დღეს კითხვები ურთქმელიძემ კი არა, დაცვის მხარემ უნდა დასვას მასთან.

აღნიშნულ შუამდგომლობას სპეციალური პენიტენციური სამსახურის წარმომადგენელი ნიკა აბრამიშვილი არ დაეთანხმა. როგორც მან აღნიშნა, ურთმელიძე სამედიცინო დეპარტამენტის ხელმძღვანელია და სამსახურის პოზიციას სწორად ის ჩამოაყალიბებს.

აღნიშნული შუამდგომლობა მოსამართლე გიორგი არევაძემ არ დააკმაყოფილა.

„რაც შეეხება დაკითხვას და მოწმეთა სიაში მითითებას, მოგეხსენებათ, ამ საქმესთან დაკავშირებით, მასზე როგორც ბრალდების დამდასტურებელ ან უარმყოფელ მოწმეს არ ვკითხავდით და მე რამდენადაც მივხვდი, მალხაზ ურთქმელიძე და დანარჩენი მოწმეები მკურნალობის და პარალელურად. სასჯელის მოხსნის პერიოდში მასთან განხორციელებულ პროცედურებთან დაკავშირებით უნდა დაკითხულიყო.

ამ შემთხვევაში ის, რომ მალხაზ ურთქმელიძეს კითხვები დაესვას, მისი, თუნდაც დღევანდელი სტატუსი, მე არ ვფიქრობ, რომ რამეში ხელშეშლაა. ამით კითხვის დასმის ფორმა არ შეგეზღუდებათ და არც არაფერი შეიცვლება. მას თავისი პოზიცია ისედაც ექნება დასაფიქსირებელი როგორც წარმომადგენელს და თუ მონაწილეობდა რაიმე პროცედურაში ან რაიმე ფორმით დამატებით ინფორმაცია აქვს, ეს ვალდებულება მას არ მოეხსნება, ეს კითხვები დაესმება და მოვუსმენთ. მე ვერ ვხედავ პრობლემას, რომ მალხაზ ურთმელიძე წარმოადგენს პენიტენციურ სამსახურს. მე ვფიქრობ, რომ აცილების თაობაზე შუამდგომლობა არ უნდა დაკმაყოფილდეს",- განაცხადა არევაძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)