შიდა ტურიზმის სტიმულირებისთვის ტურიზმის ეროვნულმა ადმინისტრაციამ წელს ახალი პროექტები დაიწყო

ტურიზმის ეროვნული ადმინისტრაციის განცხადებით, შიდა ტურიზმის განვითარება ქვეყნისთვის ერთ-ერთი პრიორიტეტულია.

მათივე ინფორმაციით, ამ მიზნით წელს ადმინისტრაციამ 40-ზე მეტი პრეს- და ინფოტური, გასტროტური, ფესტივალი და ღონისძიება გამართა.

ტურიზმის ეროვნულმა ადმინისტრაციამ წელს პირველად ახალი ფესტივალი „გემო ფესტი“ ჩაატარა. პირველი კულინარიული ფესტივალი რაჭაში, ამბროლაურში მოეწყო. გასტრონომიული ფესტივალი ეტაპობრივად მთელ საქართველოში გაიმართება.

ზამთრის კურორტების პოპულარიზაციის მიზნით, პირველად ჩატარდა სათხილამურო შეჯიბრი "ზურულდი 2022"

„ქართული ღვინის პოპულარიზაციისა და ღვინის ტურიზმის განვითარების მიზნით, ტურიზმის ეროვნული ადმინისტაციის თანაორგანიზებით კახეთში „გურჯაანის ღვინის საერთაშორისო ფესტივალი“ და „ჯაზ & ვაინ კახეთი“ გაიმართა.

გასტრო და ღვინის ტურიზმთან ერთად ტურიზმის ეროვნული ადმინისტრაციის პრიორიტეტს წარმოადგენს ჩაის ტურიზმის განვითარება. ამ მიზნით გურიაში, შეკვეთილის მუსიკოსთა პარკში ტურიზმის ეროვნული ადმინისტრაციისა და გერმანიის საერთაშორისო თანამშრომლობის საზოგადოების ( GIZ ) ორგანიზებით და ოზურგეთის მუნიციპალიტეტის მერიის ჩართულობით ჩაის ფესტივალი გაიმართა.

კულინარიული ტურიზმის განვითარების მიზნით ადმინისტრაცია აქტიურად თანამშრომლობს გასტრო ასოციაციებთან“, - აღნიშნულია ინფორმაციაში.

ტურიზმის ეროვნული ადმინისტრაციის განმარტებით, ისინი მთელი წლის განმავლობაში ატარებდნენ ინფოტურებს ტურისტული კომპანიების წარმომადგენლებისა და გიდებისთვის. ტურები ტურისტულ ასოციაციებთან თანამშრომლობით მოეწყო.

მათივე ინფორმაციით, ინფოტურების მიზანია შიდა და შემომყვანი ტურისტული კომპანიების წარმომადგენლებს შესაძლებლობა ჰქონდეთ, საქართველოს სხვადასხვა რეგიონში ნაკლებად ცნობილი ადგილები დაათვალიერონ, ხოლო ტურების შემდეგ, მარშრუტების გათვალისწინებით მოგზაურებისთვის ახალი ტურისტული პაკეტები მოამზადონ. ინფოტურებში აქტიურად მონაწილეობენ სხვადასხვა მედიის წარმომადგენლები, ფოტოგრაფები და ბლოგერები.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი