ირაკლი კობახიძე - უკრაინის ხელისუფლება პირდაპირ იყო ჩართული იმ სპეცოპერაციაში, რომლის მიზანიც იყო სააკაშვილის საქართველოში ჩამოყვანა, აქ ვითარების არევა და „მეორე ფრონტის“ გამოწვევა

უკრაინის ხელისუფლება პირდაპირ იყო ჩართული იმ სპეცოპერაციაში, რომლის მიზანიც იყო სააკაშვილის საქართველოში ჩამოყვანა, აქ ვითარების არევა და "მეორე ფრონტის" გამოწვევა, - ამის შესახებ "ქართული ოცნების" თავმჯდომარე, ირაკლი კობახიძემ ჟურნალისტებს განუცხადა.

მან უკრაინის პრეზიდენტის, ვოლოდიმირ ზელენსკის აშშ-ში ვიზიტი შეაფასა და განაცხადა, რომ უკრაინის ხელისუფლების მაღალჩინოსნებმა უარი უნდა თქვან საქართველოს ომში ჩართვის რიტორიკაზე.

„მაგალითად, ლორთქიფანიძე, რომელიც შემდეგ დაწინაურდა კიდეც, ამ სპეცოპერაციის ხელმძღვანელი იყო, ანუ უკრაინის ხელისუფლების მაღალჩინოსანი იყო ამ სპეცოპერაციის ხელმძღვანელი. გარდა ამისა, ზელენსკის ხელისუფლების წარმომადგენლები პირდაპირ მოგვიწოდებენ ჩვენ "მეორე ფრონტისკენ", ღია ტექსტით, ამას აკეთებს მაგალითად, დანილოვი, პოდოლიაკი, ამას აკეთებენ სხვები, ესეც არის ამ ხელისუფლების პასუხისმგებლობა. გარდა ამისა, ზელენსკიმ საქართველოდან გაიწვია ელჩი ყოველგვარი დასაბუთების გარეშე და დღემდე არ დაუნიშნავს საქართველოში უკრაინის ელჩი. ამ პირობებში აბსოლუტურად გაუგებარი იქნებოდა ჩვენი მხრიდან მისი პარლამენტში ჩართვა და სხვა შესაბამისი ნაბიჯების გადადგმა. მათ უარი უნდა თქვან ომისკენ მიმართულ რიტორიკაზე, ეს არის აუცილებელი. ვიდრე უკრაინის ხელისუფლების მაღალჩინოსნები მოგვიწოდებენ საქართველოში ომის გაჩაღებისკენ, მანამდე რა თქმა უნდა, ხინჯი იქნება ურთიერთობებში. ბოდიში მოიხადეს ან დანილოვმა ან პოდოლიაკმა? ისინი არიან ყველაზე დაახლოებული პირები პრეზიდენტთან, არცერთს არ მოუხდია ბოდიში, არცერთს წაუღია სიტყვები უკან. შესაბამისად, ეს სიტყვები ძალაშია",-განაცხადა კობახიძემ.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
ქართული პრესის მიმოხილვა 23.05.2024
კახა ოქრიაშვილი - ძალიანაც რომ მოინდომონ „ოცნებამ“ და რუსეთმა, საქართველოში ომი მაინც არ იქნება!
„ოკიტელის“ ოფიციალური წარმომადგენლობა - საქართველო კავკასიის ჰაბია, სადაც ჩვენი ტექნოლოგიების დანერგვა მსოფლიოს სხვადასხვა რეგიონთან უფრო მარტივად დაგვაკავშირებს
საუკეთესო პრემიალური სასმელი და საუკეთესო მარკეტინგული კამპანია „ლიმონათი ბორჯომისგან“ Zenith Global’s InnoBev Awards 2024-ის გამარჯვებულია
კარფურის ლოიალობის პროგრამა „მაიქლაბი“ 5 წლისაა
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)