სახალხო დამცველობის ერთ-ერთ კანდიდატი, მარიკა არევაძე სახალხო დამცველის არჩევის პროცესის ჩავარდნას ეხმაურება

სახალხო დამცველობის ერთ-ერთ კანდიდატი, მარიკა არევაძე სახალხო დამცველის არჩევის პროცესის ჩავარდნას ეხმაურება.

მისი თქმით, პროცესის ჩაგდება ქვეყანას აზიანებს.

„სახალხო დამცველის არჩევა გამჭვირვალე და სამართლიანი გარემოს ფარგლებში იყო ჩვენი, საქართველოს შესასრულებელი ერთ-ერთი რეკომენდაცია.

მთელი პროცესის განმავლობაში მუდმივად ვსაუბრობდი ჩიხის საშიშროებაზე, დამოუკიდებელი კანდიდატებისა და კომპრომისის მნიშვნელობაზე.

სამწუხაროდ პროცესმა აჩვენა, რომ არც ერთი პოლიტიკური ძალა არ აღმოჩნდა მზად გამოსულიყო საკუთარი დღის წესრიგიდან, არ შეექმნა ჩიხი, რეალურად ეფიქრა ქვეყნის ინტერესებზე, შეერჩია დამოუკიდებელი და კვალიფიციური სახალხო დამცველი.

საკომიტეტო მოსმენებმა და მოსმენების შემდგომ გაჭიანურებულმა პროცესმა აჩვენა, რომ პროცესი შესული იყო ჩიხში, გამოჩნდა სახელისუფლებო ძალის მხარდაჭერილი კანდიდატებიც და მთელს ამ პროცესში ოპოზიციურ პოლიტიკურ ძალებს არ ეყოთ გონიერება, ქვეყნის ინტერესების გათვალისწინებით გამოსულიყვნენ საკუთარი პოლიტიკური დღის წესრიგიდან და მოლაპარაკება დაეწყოთ რეალურად დამოუკიდებელ კანდიდატებზე.

პროცესის ჩაგდება არ აზიანებს სახალხო დამცველობის არც ერთ კანდიდატს, პროცესის ჩაგდება აზიანებს ქვეყანას და ვის უნდა ესმოდეს ეს თუ არა პოლიტიკურ ძალებს?!“ - აცხადებს მარიკა არევაძე.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა