იაგო ხვიჩია - თუ „ქართული ოცნება“ მართლა ღელავდა ევროინტეგრაციასა და 12 პუნქტის შესრულებაზე, მაგიდაზე მიხეილ სააკაშვილის ციხიდან გამოსვლის გასაღები უნდა დაედო

პოლიტიკოსმა მიხეილ სააკაშვილმა მიაღწია იმას, რისი მიღწევაც უნდოდა, საზოგადოებამ დაინახა მისი ის კადრი, რისი დანახვაც სააკაშვილისთვის გეგმის ნაწილი იყო , - ამის შესახებ პარტია „გირჩის“ერთ-ერთმა ლიდერმა იაგო ხვიჩიამ „პალიტრანიუსის“ გადაცემა „რეზიუმეში“ განაცხადა.

ხვიჩიას თქმით, პატიმრობიდან გათავისუფლება ყოფილმა პრეზიდენტმა ბრძოლით უნდა მიიღოს ან თხოვნით.

მისი განცხადებით, მიხეილ სააკაშვილის საზღვარგარეთ სამკურნალოდ გადაყვანა, მის გათავისუფლებას ნიშნავს.

„მესიჯი უნდა იყოს გულწრფელი. „შემიწყალე, თორემ თავ-ყბას გაგიერთიანებ“, არ არის სწორი მესიჯი. „ცუდად მოვიქეცი, შემიწყალეთ“ - სწორი მესიჯია. საზღვარგარეთ მიხეილ სააკაშვილის გადაყვანა ნიშნავს მის გათავისუფლებას. გათავისუფლება ბრძოლით უნდა მიიღო ან თხოვნით“,- განაცხადა ხვიჩიამ.

ხვიჩიას თქმით, ორივე მხარე - სახელმწიფო და მიხეილ სააკაშვილი, „არასწორი მეთოდებით არის ჩართული“ საქმეში.

„ამ ხნის განმავლობაში არც ერთი და არც მეორე მხრიდან სერიოზული პირობა მაგიდაზე არ დევს. ორივე მხრიდან მიმდინარეობს არასერიოზული ჩხუბი“,- დასძინა ხვიჩიამ.

მისივე შეფასებით, „ნაციონალური მოძრაობა“ ყველაფერს უნდა აკეთებდეს იმისთვის, რომ „ქართულ ოცნებას“ საჯაროდ ათქმევინოს მიხეილ სააკაშვილის გათავისუფლების გზა.

„რას ითხოვს „ქართული ოცნება“ ამისთვის ან თუნდაც, რა არის საპროცესო გარიგების საფასური. მიხეილ სააკაშვილის საზღვარგარეთ გადაყვანაზეა დადებული მთელი ფსონი“,- აღნიშნა მან.

კითხვას, უშვებს თუ არა სააკაშვილის საკითხით პოლიტიკურ ვაჭრობას ხელისუფლებასა და „ნაციონალურ მოძრაობას“ შორის, ხვიჩია პასუხობს, რომ ამ საკითხით ვაჭრობა აქამდეც უნდა ყოფილიყო.

„აქამდეც უნდა ევაჭრათ. აქამდე რას აკეთებდნენ?! - „ქართული ოცნება“ თუ მართლა ღელავდა ევროინტეგრაციასა და 12 პუნქტის შესრულებაზე, მაგიდაზე უნდა დაედო გასაღები მიხეილ სააკაშვილის ციხიდან გამოსვლის“, - აღნიშნა იაგო ხვიჩიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024