თუ გვსურს საჯარო ნდობის აღდგენა, დროა ევროპარლამენტი გავაუქმოთ, - ამის შესახებ უნგრეთის პრემიერ-მინისტრმა ვიქტორ ორბანმა განაცხადა. ინფორმაციას ამის შესახებ გამოცემა Politico ავრცელებს.

გამოცემის თანახმად, ორბანი ასეთი ფორმით ევროპარლამენტის ახლანდელ სკანდალს გამოეხმაურა და განაცხადა, რომ ანტიკორუფციული ზომები “საშინლად ჩავარდა”.

უნგრეთის პრემიერ-მინისტრი ახალი ევროპარლამენტის შექმნის იდეით გამოვიდა, რომელიც ეროვნული დელეგატებისგან იქნება შემდგარი.

“ეს უზრუნველყოფს უფრო მეტ ზედამხედველობას, ანგარიშვალდებულებასა და სანდოობას. დაუბრუნეთ კონტროლი წევრ სახელმწიფოებს!” - თქვა ორბანმა.