რუსეთის საგარეო უწყების წარმომადგენელი - ვიმედოვნებთ, აშშ-ს ეყოფა გონიერება და რუსეთთან პირდაპირ დაპირისპირებას თავიდან აიცილებს

მოსკოვი იმედოვნებს, რომ ვაშინგტონი საკმარის წინდახედულობას გამოიჩენს, რათა თავიდან აიცილოს სიტუაციის ესკალაცია პირდაპირ დაპირისპირებამდე, - ამის შესახებ რუსეთის საგარეო საქმეთა სამინისტროს ჩრდილოეთ ამერიკის დეპარტამენტის ხელმძღვანელმა, ალექსანდრე დარჩიევმა რუსულ მედიასთან ინტერვიუში განაცხადა.

"შეიძლება მხოლოდ იმედი ვიქონიოთ, რომ ვაშინგტონი ყურს დაუგდებს გონების ხმას და არ დაუშვებს სიტუაციის ესკალაციას რუსეთსა და შეერთებულ შტატებს შორის პირდაპირ დაპირისპირებამდე. წინააღმდეგ შემთხვევაში, გაწყვეტილი დიპლომატიური კავშირები რეალობად იქცევა, ყველა სათანადო შედეგით," განაცხადა რუსმა დიპლომატმა.

მისი თქმით, ვაშინგტონსა და მოსკოვს შორის ურთიერთობების გაუარესება თავად აშშ-მა გამოიწვია და არა რომელიმე სხვა ქვეყანამ.

”ვაშინგტონმა აირჩია თვითიზოლაცია მოსკოვისგან, მაგრამ ახლა ცდილობს, სხვას გადააბრალოს, თითქოს სხვამ მიიყვანა ეს ურთიერთობები ამ წერტილამდე და არა ამჟამინდელმა ადმინისტრაციამ. ჩვენ არ ვცდილობთ ურთიერთობის სრულ გაწყვეტას, მაგრამ არ მოვითმენთ ზიანის მომტან პროვოკაციებს, რომლებიც სხვა არჩევანს არ დაგვიტოვებს“, - აღნიშნა ალექსანდრე დარჩიევმა.

პაატა ზაქარეიშვილი - მგონი, ევროკავშირი ხვდება, რომ „ქართულ ოცნებას“ ევროკავშირი არც თავისთვის და არც საქართველოსთვის არ უნდა
ქართული პრესის მიმოხილვა 17.07.2025
კავკასიის მედიცინის ცენტრს ევროპის ონკოგინეკოლოგთა ასოციაციის (ESGO) აკრედიტაცია მიენიჭა
Idram და Alipay+ ხელს უწყობენ სომხეთში საერთაშორისო QR გადახდებს, რითაც ადგილობრივ ბიზნესებს ციფრული საფულეების გლობალურ მომხმარებლებთან აკავშირებენ
„მადლიერების ჩიტი“ – ჯილდო ქართული ტრადიციული მუსიკის ერთგულ მხარდამჭერებს