რატი იონათამიშვილი სააკაშვილის საზღვარგარეთ გადაყვანის მოწოდებაზე - ფაქტობრივად, ეს „ნაციონალური მოძრაობისა" და მათი სატელიტების განცხადებაა - უკეთესი იქნებოდა, სათაურად დაერქმიათ, „მიშას ფანკლუბის განცხადება“

უკეთესი იქნებოდა, განცხადებაზე სათაურად დაერქმიათ, რომ ეს მიშას ფანკლუბის განცხადებაა, - ასე ეხმაურება საპარლამენტო უმრავლესობის დეპუტატი რატი იონათამიშვილი 130-ზე მეტი ყოფილი მაღალი პოლიტიკური და ადმინისტრაციული თანამდებობის პირის განცხადებას, რომლითაც საქართველოს ხელისუფლებას მიხეილ სააკაშვილის საზღვარგარეთ სამკურნალოდ გაგზავნისკენ მოუწოდებენ.

იონათამიშვილის თქმით, "განცხადებას ძალიან უხერხული აფიშა ჰქონდა".

„არც თანამდებობაა პრივილეგია და არა ყოფილი თანამდებობის პირი. ხელმომწერთა სიას თუ გადავხედავთ, ვნახავთ, რომ ფაქტობრივად, ეს "ნაციონალური მოძრაობისა" და მათი სატელიტების განცხადებაა. ალბათ, უკეთესი იქნებოდა, მათ ამ განცხადებაზე სათაურად დაერქმიათ, რომ ეს არის მიშას ფანკლუბის განცხადება. ეს ჩვენი საზოგადოებისთვის უფრო გასაგები იქნებოდა. მსგავს განცხადებებზე სერიოზული კომენტარის გაკეთება გამიჭირდება", - განუცხადა ჟურნალისტებს რატი იონათამიშვილმა.

ამასთან, რატი იონათამიშვილის შეფასებით, მიხეილ სააკაშვილის შეწყალებაზე საუბარი სამართლიანობის პრინციპებისა და კანონის შეურაცხყოფას ნიშნავს.

მისივე თქმით, "ნაციონალური მოძრაობა" რაც მეტს ილაპარაკებს საპროტესტო აქციებზე, საერთო ფონისთვის მით უკეთესი იქნება, "რადგან მათ მიერ აქციებზე საუბარი, "ნაციონალური მოძრაობის" კიდევ უფრო მზარდი დეგრადირებით მთავრდება".

"ამ პარტიის დეგრადაციის პროცესს მხოლოდ მივესალმებით, რადგან საზოგადოება ხედავს, რომ ბოლო პერიოდში პოლარიზაცია შემცირებულია, რაც განპირობებულია იმით, რომ "ნაციონალური მოძრაობა" ბევრად დასუსტებულია", - განაცხადა რატი იონათამიშვილმა.

ცნობისთვის, 130-ზე მეტი ყოფილი მაღალი პოლიტიკური და ადმინისტრაციული თანამდებობის პირი საქართველოს ხელისუფლებას მიხეილ სააკაშვილის საზღვარგარეთ სამკურნალოდ გაგზავნისკენ მოუწოდებს. როგორც მათ მიერ გავრცელებულ მიმართვაშია ნათქვამი, პრეზიდენტ სააკაშვილის საქართველოში წამებით მოკვდინებას ექნება უაღრესად საზიანო შიდა და გარე პოლიტიკური შედეგები. მათივე შეფასებით, ფატალური შედეგი, არა მხოლოდ გააღრმავებს ქვეყანაში დღეს არსებულ პოლარიზაციას, არამედ მოსპობს მისი უახლოეს მომავალში გადალახვის შანსსაც კი. მიმართვა საქართველოს მეოთხე პრეზიდენტმა, გიორგი მარგველაშვილმა გაავრცელა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს