ედუარდ სააკაშვილი - მიხეილ სააკაშვილის ბოლო კადრები ცხადყოფს, რამდენად გაუარესებულია მისი ჯანმრთელობის მდგომარეობა - ფაქტობრივად სიცოცხლისთვის ბრძოლის ზღვარზეა

მიხეილ სააკაშვილს თვეების განმავლობაში უმალავდნენ საზოგადოებას, მაგრამ მე მქონდა მისი მონახულების შესაძლებლობა და ვხედავდი, როგორ უარესდებოდა მისი მდგომარეობა, განსაკუთრებით სწრაფად ბოლო თვეების განმავლობაში. ამის ნახვა საშინელება იყო. გავრცელებული კადრები ცხადად აჩვენებს, რამდენად გაუარესებულია მისი მდგომარეობა, - ამის შესახებ საქართველოს ყოფილი პრეზიდენტის, მიხეილ სააკაშვილის შვილმა, ედუარდ სააკაშვილმა CNN-თან ინტერვიუში განაცხადა.

მისი თქმით, ხელისუფლება ავრცელებს ინსინუაციებს, რომ ეს ყველაფერი ყალბია, მაგრამ როდესაც ხედავ კადრებს, ცხადია, რამდენად მძიმეა მისი ჯანმრთელობის მდგომარეობა.

კითხვაზე, ხომ არ ნანობს მიხეილ სააკაშვილი საქართველოში დაბრუნებას, ედუარდ სააკაშვილმა უპასუხა: „რაც შეეხება მიხეილ სააკაშვილის საქართველოში დაბრუნებას, არ მინდა მის მაგივრად ვილაპარაკო, მაგრამ ვიტყოდი, რომ გამომდინარე იქიდან, რაც მოხდა, ეს იყო მცდარი ნაბიჯი“.

„ის, როგორი რეაგირებაც საქართველოს მთავრობას ჰქონდა, ცხადია იმაზე უარესი იყო, რასაც ვინმე ელოდა. ერთია ვინმე ჩასვა ციხეში, ეს რა თქმა უნდა, მძიმეა ოჯახისთვის, მაგრამ მეორეა ადამიანის ასეთი უგულებელყოფა პატიმრობაში ერთი წლის განმავლობაში, აშკარაა, რომ ფაქტობრივად სიცოცხლისთვის ბრძოლის ზღვარზეა - ეს მოულოდნელი იყო“, - განაცხადა ედუარდ სააკაშვილმა.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე