მიხეილ სარჯველაძე სააკაშვილის სასამართლო პროცესზე - „ნაციონალური მოძრაობა“ დარაზმული იყო, რაღაც სპექტაკლი დაედგათ, რაც ვერ შედგა, რადგან სინამდვილეში ამ ამბავმა დატოვა სიმულაციის შთაბეჭდილება

მიუხედავად დიდი სურვილისა, ეჭვქვეშ დაეყენებინათ სააკაშვილისადმი რომელიმე ბრალდების სისწორე, მიხვდნენ, რომ ამას აზრი არ აქვს - ვერავის დააჯერებდნენ, რომ ვალერი გელაშვილის სიკვდილის პირას მიყვანის საქმეში სააკაშვილი ბრალის არმქონეა, - ამის შესახებ „ქართული ოცნების“ ერთ-ერთმა ლიდერმა, მიხეილ სარჯველაძემ განაცხადა.

მისივე შეფასებით, როდესაც „ასე კონკრეტულად არის ნათქვამი მოთხოვნა“ სააკაშვილის უცხოეთში გადაყვანასთან დაკავშირებით, ეს „საკითხის არასწორად დაყენებაა“.

„ვისაც რეალურად აწუხებს საკითხის არა პოლიტიკური ამოცანების გადაჭრა, არამედ სააკაშვილის ჯანმრთელობის მდგომარეობა, ყველას მოვუწოდებ დაინტერესდნენ ჯანმრთელობის მდგომარეობით და აქედან გამომდინარე მოითხოვონ, თუკი ეს მოსათხოვია, მკურნალობის მიწოდება და არა უცხოეთში გადაყვანა. ეს არის ძალიან მნიშვნელოვანი, რომ ყველას კარგად გვესმოდეს. ბუნებრივია, როდესაც ჯანმრთელობაზე მზრუნველი ადამიანი ითხოვს მკურნალობას და არა უცხოეთში წაყვანას და სასჯელის არიდებას.

მიუხედავად დიდი სურვილისა, ეჭვქვეშ დაეყენებინათ რომელიმე ბრალდების სისწორე, ამ 1 წლის განმავლობაში სადისკუსიოდ არავის გაუხდია ეს საკითხი. უბრალოდ აზრი არ აქვს და მიხვდნენ ამას. ჰქონდათ მცდელობა, რომ „პიჯაკების საქმის“ შერქმევით დაეკნინებინათ რამდენიმე მილიონის გაფლანგვის საქმე. ვერავის დააჯერებდნენ, რომ ვალერი გელაშვილის სიკვდილის პირას მიყვანის საქმეში სააკაშვილი ბრალის არმქონეა, ამიტომ ამ თემაზე კამათის და დისკუსიისგან თავს იკავებენ. მათ იციან, რომ არავითარი წარმატების რესურსი არ გააჩნიათ, ამიტომაც ცდილობენ, რომ რაღაც სიმულაციური ვერსიები შესთავაზონ საზოგადოებას.

გუშინდელ სასამართლო სხდომასთან დაკავშირებით ნახეთ, რომ მთელი „ნაციონალური მოძრაობა“ დარაზმული, მობილიზებული და კონცენტრირებული იყო იმისთვის, რომ რაღაც სპექტაკლი დაედგათ, რაც ვერ შედგა, რადგან სინამდვილეში ამ ამბავმა დატოვა შთაბეჭდილება სიმულაციისა, რათა პოლიტიკური ამოცანები გადაიჭრას. მგონია, რომ ამას ყველამ თვალი უნდა გაუსწოროს“, - განაცხადა სარჯველაძემ.

ამასთან, მან შეაფასა საქართველოს ხელისუფლებისადმი 130-ზე მეტი ყოფილი მაღალი პოლიტიკური და ადმინისტრაციული თანამდებობის პირის მიხეილ სააკაშვილის საზღვარგარეთ სამკურნალოდ გადაყვანასთან დაკავშირებით წერილობითი მოთხოვნა.

სარჯველაძემ აღნიშნა, რომ როდესაც აღნიშნულ განცხადებაში „ვხედავთ კეზერაშვილის ხელმოწერას, ადამიანების ერთმა კატეგორიამ უნდა მიაქციოს ყურადღება იმას, თუ ვის გვერდში დგანან“.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024