გია ვოლსკი - ვინც CNN-ს ინფორმაციას აწვდის, რომ სააკაშვილი შეიძლება იყოს მოწამლული, ან მსუყედ დაფინანსებული პროპაგანდის მსხვერპლია, ან თაღლითი

დღეს, ვინც აწვდის ინფორმაციას მათ შორის საერთაშორისო დონეზე, რომ სააკაშვილი შეიძლება იყოს მოწამლული, არის ან მსუყედ დაფინანსებული პროპაგანდის მსხვერპლია, რომელსაც კონკრეტული, საკმაოდ წარმატებული პიარ-კომპანია აწარმოებს, ან თაღლითი. სხვა ვარიანტი არ არსებობს, ვინაიდან გამორიცხულია, სააკაშვილს ჯანდაცვის სისტემამ საქართველოში რაიმე ავნოს, - ამის შესახებ ჟურნალისტებთან პარლამენტის პირველმა ვიცე-სპიკერმა გია ვოლსკიმ განაცხადა.

ვიცე-სპიკერის თქმით, საქართველოში ყველა მოწოდებულია იმისკენ, რომ მიხეილ სააკაშვილის სიცოცხლეს საფრთხე არ ემუქრებოდეს.

„პირიქით, ყველა მოწოდებულია, რომ იგი იყოს ჯანმრთელად და მის სიცოცხლის საფრთხე არ ემუქრებოდეს. ანალიზებით ისიც დამტკიცებულია, რომ არანაირ მოწამვლას და მით უმეტეს მომწამლავი ან მავნე ნივთიერებების სიჭარბეს ადგილი არ აქვს. გაცილებით უფრო დაბალია მაჩვენებელი ნებისმიერი მავნე ნივთიერებისა, მაგრამ როდესაც ადამიანი ამბობს, პროპაგანდისტული ჯგუფის ინსტრუქციის შემხედვარე, რომ იგი არ ჩააბარებს საანალიზოდ სისხლს, ეს იმას ნიშნავს, რომ პროპაგანდა არის აქ მთავარი და გადახდილი ფულის სანაცვლოდ უნდა მიიღონ შედეგი“- განაცხადა გია ვოლსკიმ.

გია ვოლსკი CNN-ზე მიხეილ სააკაშვილთან დაკავშირებით გავრცელებულ სიუჟეტს გამოეხმაურა და აღნიშნა, რომ მთელი რიგი წამყვანი საერთაშორისო გამოცემები იგივე პროპაგანდისტული თემით გამოდიან და შეცდომაში შეჰყავთ საერთაშორისო საზოგადოება.

„არა მარტო CNN, არამედ მთელი რიგი წამყვანი საერთაშორისო გამოცემები იგივე პროპაგანდისტული, ერთი და იგივე ტექსტით, ერთი და იგივე თემით გამოდიან და შეცდომაში შეჰყავთ არა მხოლოდ პოლიტიკური, მათ შორის საერთაშორისო საზოგადოება. ძლიერი პროპაგანდაა, მაგრამ ის ინფორმაცია არის თაღლითური და ვინც ეგეთ ინფორმაციას ავრცელებს უკვე საერთაშორისო დონეზე, ის არის საერთაშორისო თაღლითი", - აღნიშნა ვოლსკიმ.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა