გიორგი ტყემალაძის განცხადებით, მიხეილ სააკაშვილის ჯანმრთელობის მდგომარეობა არის დამაკმაყოფილებელი და არაფერი საგანგაშო არ ხდება

თბილისის საკრებულოს თავმჯდომარის გიორგი ტყემალაძის განცხადებით, ექსპრეზიდენტ მიხეილ სააკაშვილის ჯანმრთელობის მდგომარეობა არის დამაკმაყოფილებელი და არაფერი საგანგაშო არ ხდება.

როგორც მან ჟურნალისტებს განუცხადა, სააკაშვილის ჯანმრთელობის მდგომარეობას მონიტორინგს უწევს შესაბამისი სამედიცინო დაწესებულება, ექსპერტები და პენიტენციური სისტემა, რომელიც პასუხისმგებელია მის ჯანმრთელობაზე.

„მინდა ვუსურვო მას ჯანმრთელობა, თუმცა, ვფიქრობ და დარწმუნებულები ვართ იმაში, რომ ყველა ეს პროცესი არის კანონის ფარგლებში. შესაბამისად, არაფერ კანონდარღვევასთან საქმე არ გვაქვს“, - განაცხადა ტყემალაძემ.

კითხვაზე, მისი აზრით, სიმულირებს თუ არა მიხეილ სააკაშვილი, გიორგი ტყემალაძემ უპასუხა: „თუ ვნახავთ, რა არის დასკვნა და რა მონიტორინგის ქვეშ იმყოფება, ყველამ ვიცით, რაც არის დადასტურებული, რომ მისი ჯანმრთელობის მდგომარეობა არის დამაკმაყოფილებელი“. „შესაბამისად, რაიმე საგანგაშო აქ ნამდვილად არ ხდება“, - განაცხადა ტყემალაძემ.

კითხვაზე, რამდენად სწორი მიმართვა გაჟღერდა საკრებულოს დღევანდელ სხდომაზე მიხეილ სააკაშვილთან დაკავშირებით, როდესაც „ქართული ოცნების“ წარმომადგენლებმა განაცხადეს, რომ მას წვერი არ ჰქონდა გაპარსული, ტყემალაძემ უპასუხა: „თმა რომ არ ჰქონდა დავარცხნილი და წვერი გაუპარსავი, ყველამ ვნახეთ, რაზე ვდავობთ?!“

„მის ჯანმრთელობის მდგომარეობას მე არ ვაფასებ, აფასებს ის სამედიცინო პერსონალი, რომელსაც 24 სთ-ის განმავლობაში მონიტორინგის ქვეშ ჰყავს პატიმარი და მათი დასკვნების საფუძველზე ვიღებთ ინფორმაციას“, - განაცხადა ტყემალაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024