ნიკოლოზ სამხარაძე - სააკაშვილის ჯანმრთელობის მდგომარეობის შესახებ გავრცელებული განცხადება არ წამიკითხავს - როცა მარგველაშვილი და კეზერაშვილი რაიმე განცხადებას აწერენ ხელს, მის შინაარსში ჩაღრმავებას აზრი არა აქვს!

სააკაშვილის ჯანმრთელობის მდგომარეობასთან დაკავშირებით გავრცელებული განცხადება არ წამიკითხავს იმ უბრალო მიზეზის გამო, რომ რადიოში ორი გვარი: მარგველაშვილი და კეზერაშვილი თქვეს - როცა მარგველაშვილი და კეზერაშვილი რაიმე განცხადებას აწერენ ხელს, ამ განცხადების შინაარსში ჩაღრმავებას აზრი არა აქვს! - ამის შესახებ პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ ჟურნალისტებს განუცხადა.

სამხარაძის თქმით, ეს ყველაფერი განსაკუთრებით საწყენია მარგველაშვილის მხრიდან, რომელიც საქართველოს ყოფილი პრეზიდენტია და თავს უფლებას აძლევს, კეზერაშვილთან ერთად რაიმეს ხელმომწერი იყოს.

“განცხადებას ხელს აწერს იმ ადამიანთან ერთად, რომელზეც პრეზიდენტობის დროს თვლიდა, რომ საქართველოში ერთ-ერთი დიდი უბედურების დამტრიალებელი იყო. ეს არც ადამიანობაში ჯდება და არც არანაირ პრინციპებშიც, პოლიტიკას რომ თავი დავანებოთ. შეიძლება, დაინტერესება აქვს, შეიძლება გადაიბირეს... რა შეიცვალა ორ-სამ წელში, გაკეთილშობილდნენ?! ფაქტები აღარ არსებობს, თუ ამ კაცმა რაიმე ახალი გაიგო?! რატომ აწერს ხელს ამ განცხადებებს კეზერაშვილთან ერთად?“ - განაცხადა ნიკოლოზ სამხარაძემ.

ცნობისთვის, 130-ზე მეტი ყოფილი მაღალი პოლიტიკური და ადმინისტრაციული თანამდებობის პირი საქართველოს ხელისუფლებას მიხეილ სააკაშვილის საზღვარგარეთ სამკურნალოდ გაგზავნისკენ მოუწოდებს.

როგორც მათ მიერ გავრცელებულ მიმართვაშია ნათქვამი, პრეზიდენტ სააკაშვილის საქართველოში წამებით მოკვდინებას ექნება უაღრესად საზიანო შიდა და გარე პოლიტიკური შედეგები.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024