ტურიზმის ეროვნული ადმინისტრაცია - გამოწვევების მოსაგვარებლად კერძო სექტორთან თანამშრომლობას ვაგრძელებთ

ტურიზმის სფეროში არსებული გამოწვევების გადაჭრის მიზნით, ტურიზმის ეროვნულმა ადმინისტრაციამ წელს 4 ათასზე მეტ შეტყობინებაზე მოახდინა რეაგირება.

ტურიზმის ეროვნული ადმინისტრაციის ინფორმაციით, ტურიზმის ინდუსტრიის წარმომადგენლებსა და მოგზაურებს საშუალება აქვთ ადმინისტრაციას 24-საათიან რეჟიმში, ცხელ ხაზზე 0 800 800 909 დაუკავშირდნენ. ცხელ ხაზთან ერთად მუშაობს საინფორმაციო ელექტრონული ფოსტა feedback@georgia.travel და programs.gov.ge-ს ონლაინ ჩათი.

„ტურიზმის სფეროში გამოწვევების გადაჭრის მიზნით, ტურიზმის ეროვნულმა ადმინისტრაციამ წელს ტურისტული კომპანიების, სხვადასხვა ასოციაციების, გიდების, კვებისა და განთავსების ობიექტების წარმომადგენლებთან 9 შეხვედრა გამართა. კერძო სექტორის წარმომადგენლებთან ტურიზმის სექტორში არსებული გამოწვევები, დარგის განვითარების გეგმები, პროფილურ ბიზნესთან ეფექტიანი თანამშრომლობის შესაძლებლობები, ტურიზმისა და ავიაციის აღდგენის დინამიკა განიხილეს. შეხვედრების პარალელურად ტურისტული კომპანიის წარმომადგენლებისათვის ახლად გახსნილ ტურისტულ ობიექტებზე საინფორმაციო ტურები მოეწყო.

მომავალ წელს საქართველოს ტურისტული პოტენციალისა და სერვისების პოპულარიზაციისთვის დაგეგმილია პლატფორმის places.georgia.travel ამუშავება, საქართველოს მასშტაბით საინფორმაციო ცენტრების მანიშნებლებისა და ექსტერიერის, ასევე საქართველოს ტურისტული პროდუქტების ბეჭდური საპრომოციო მასალის განახლება“, - ნათქვამია გავრცელებულ ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს