„ნიუ ჰოსპიტალის” კრიტიკული მედიცინის დეპარტამენტის ხელმძღვანელის ვახტანგ კალოიანის განცხადებით, „ნაციონალური მოძრაობის“ დეპუტატის, დავით კირკიტაძის მდგომარეობა სტაბილურია.

როგორც კალოიანმა „ინტერპრესნიუსს“ განუცხადა, დავით კირკიტაძეს გარკვეული ჩივილები აქვს და ის კლინიკაში რჩება.

„მდგომარეობა სტაბილურია, მკურნალობა გრძელდება და კლინიკაში დაკვირვების ქვეშ იმყოფება, სადაც რამდენიმე დღის განმავლობაში აუცილებლად დარჩება. როდესაც მისი ყველა მონაცემი მოწესრიგება ბინაზე გაეწერება. გარკვეული ჩივილები აქვს, თუმცა განსაკუთრებული არაფერი, მდგომარეობა მშვიდია და რამე განსაკუთრებული არ ხდება“, - განაცხადა ვახტანგ კალოიანმა.

ცნობისთვის, „ნაციონალური მოძრაობის“ დეპუტატი, დავით კირკიტაძე კლინიკაში ჯანმრთელობის მდგომარეობის გამო 2 დღის წინ გადაიყვანეს. მან მედიკოსების რჩევით შიმშილობა შეწყვიტა. დავით კირკიტაძე მიხეილ სააკაშვილის საზღვარგარეთ მკურნალობისთვის გადაყვანის მოთხოვნით სხვა თანაპარტიელებთან ერთად პარლამენტში შიმშილობდა.