პერსონალურ მონაცემთა დაცვის სამსახურმა კონფერენცია სახელწოდებით - “პერსონალურ მონაცემთა დაცვა ციფრულ სამყაროში” ჩაატარა

პერსონალურ მონაცემთა დაცვის სამსახურის ორგანიზებით, ციფრულ სამყაროში მონაცემთა დაცვის შესახებ კონფერენცია გაიმართა.

პერსონალურ მონაცემთა დაცვის სამსახურის მიერ გავრცელებული ინფორმაციით, პირველი სესია მისასალმებელი სიტყვით პერსონალურ მონაცემთა დაცვის სამსახურის უფროსმა გახსნა.

უწყების ცნობით, ლელა ჯანაშვილმა ყურადღება გაამახვილა ტექნოლოგიური პროგრესის ეპოქაში მონაცემთა ციფრული დამუშავების შესაძლებლობებზე და იმ რისკებზე, რომელიც ამ პროცესს ახლავს თავს.

„სამუშაო შეხვედრის მონაწილეებს სიტყვით მიმართა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ და საქართველოს პრემიერ-მინისტრის მრჩეველმა ადამიანის უფლებათა დაცვის საკითხებში ნიკო თათულაშვილმა. პირველი სესიის ფარგლებში მოხსენებები მოწვეულ აუდიტორიას შტაინბაის უნივერსიტეტის რექტორმა, პროფესორმა გია ხუბუამ, ვიადრინას უნივერსიტეტის ემერიტუსის პროფესორმა და ვენის უნივერსიტეტის საპატიო პროფესორმა - შტეფან ბრაიდენბახმა (ონ-ლაინ ფორმატში), ასევე ბიზნესისა და ტექნოლოგიების უნივერსიტეტის კვლევების ცენტრის დირექტორმა ზვიად გაბისონიამ წარუდგინეს. მომხსენებლებმა ისაუბრეს ტექნოლოგიური განვითარებასა და მის სამართლებრივ საკითხებზე პერსონალური მონაცემების დაცვის ჭრილში. მეორე სესიის ფარგლებში, კონფერენციის მონაწილეებს სამართლის ინოვაციურ ტექნოლოგიებზე მოხსენებით ბიზნესისა და ტექნოლოგიების უნივერსიტეტის ასოცირებულმა პროფესორმა, KnowledgeTools International GmbH-ს სამართლის ინჟინერმა ლადო სირდაძემ მიმართა. შეხვედრის დასკვნით ნაწილში კი პერსონალურ მონაცემთა დაცვის სამსახურის წინაშე არსებული ციფრული ტექნოლოგიების გამოწვევები, მოქმედი კანონმდებლობის ანალიზი და სამართლებრივი შეფასება სამსახურის თანამშრომლებმა: იურიდიული დეპარტამენტის უფროსმა დავით ყარაშვილმა და ინფორმაციული ტექნოლოგიებისა და მონიტორინგის დეპარტამენტის სპეციალისტმა რატი ფუტკარაძემ წარადგინეს. მესამე სესია შეჯამებასა და დისკუსიას დაეთმო. კონფერენციას 50-ზე მეტი მონაწილე ესწრებოდა. მათ შორის მოსამართლეები, აკადემიური და არასამთავრობო სექტორის წარმომადგენლები, ასევე პერსონალურ მონაცემთა დაცვის სამსახურის თანამშრომლები”,- ნათქვამია უწყების მიერ გავრცელებულ ინფორმაციაში.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი